MALAQUÍAS 3:9 - Dios Rimashcata Quillcashcami

⁹ Cai llactapi causaccunalla, cancunaca ñucapactami shuhuarcanguichic. Chaimantami tucui llactapi causaccuna mana alli nishca canguichic.

MALAQUÍAS 3:9 ပူးပေါင်းရင်းမြစ်များ

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.