MALAQUÍAS 3:5 - Dios Rimashcata Quillcashcami

⁵ Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

MALAQUÍAS 3:5 ပူးပေါင်းရင်းမြစ်များ

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

JOB 31:12

Chai juchacunaca tucuita rupachic shinami canman carca. Ñuca charishcacunatapish tucuimi rupachinman carca.

JOB 7:2

Servic runaca samarisha nishpami shungu llaquirin. Trabajac runaca samaringapacmi cullquita shuyan.

SALMOS 36:1

Diosta mana manchac runamanca millai yuyaimi paipac shungupi rimacun. Paica Diosta manchanataca mana yuyarinchu.

SALMOS 81:8

Ñuca acllashca israelcunalla, ñuca cunashcata uyaichicyari. ¡Ñuca cunashcata uyashpachari alli canguichicman!

SALMOS 96:13

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

SALMOS 98:9

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

JEREMÍAS 23:10

Cai llactaca huainayashpa juchacunata ruhuaccuna jundami. Mandac Dios mana alli nicpimi, allpapish shitashca pamba shina, michina pambacunapish tucui chaquishca. Shuccunata llaquichingapacllami sinchi cancuna» nirca.

JEREMÍAS 27:10

Paicunaca cancunapac llactamanta ñuca cancunata llucchishpa cachashpa, huañuchichunmi chashna llullashpa huillan.

JEREMÍAS 27:9

Chaimanta huillaccunatapish, yachaccunatapish, muscuccunatapish, brujocunatapish, huañushcata cayaccunatapish ama cazunguichicchu. Paicunaca: Babilonia llactata jatun mandactaca mana servinachu canguichic ninmi.

JEREMÍAS 29:23

Paicunaca israelcunapurapica huainayashapami yalli mana allita ruhuarca. Manapish ñuca huillachun cachacpimi, llullashpa ñuca shutipi huillarca. Chaitaca tucuimi yachani, ñucami chaitaca ricurcani. Chaitaca Mandac Dios ñucami nini» ninmi nirca.

JEREMÍAS 42:5

Shina nicpimi, paicunaca Jeremiastaca: —Mandac Dios tucui canman nishcatami ruhuashun. Ñucanchic nishca shinatac mana ruhuacpica, cashcata nic, imatapish pactachic Mandac Diosllatac ricuchun.

JEREMÍAS 5:2

Maijan: “Mandac Diospac shutipimi ari nini” nishpapish yangallami ari ninga» ninmi.

JEREMÍAS 5:29

Chaimantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

LEVÍTICO 20:27

Cari cashpa, huarmi cashpa huañushcapac almahuan parlac, adivino tucucca, ishcaitac rumihuan shitashpa huañuchishcami canga. Paicunaca mana allita ruhuashcamantami huañuchishca canga” ninmi ningui» nirca.

LEVÍTICO 20:6

Maijanpish brujocunata, adivinocunata catishpa huainayac runataca piñarishpami israelpuramanta anchuchisha.

MIQUEAS 1:2

¡Tucui caipi causaccuna uyaichic! Cai pachapish, tucui caipi ima tiyacpish alli uyaichic. Mandac Dios cancunata llaquichinataca, paipac huasimanta ricuchun.

HABACUC 1:12

Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.

ZACARÍAS 11:12

Chaimantami ñucaca paicunataca: «Cancuna munashpaca, ñuca trabajashcamanta pagaichic, mana cashpaca saquichiclla» nircani. Shina nicpimi, paicunaca quimsa chunga cullquita pezashpa pagarca.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

MALAQUÍAS 2:17

Mandac Diosta rimacushpalla shaicuchishpaca: «¿Imata nishpatac shaicuchishcanchic?» ninguichicmi. Shinallatac: «Maijan cashpapish mana allita ruhuashpami, Mandac Diostaca cushichinchic, chaitami paica chasquin» ninguichic. Mana cashpaca: «¿Maipitac cashcata ruhuac Mandac Diosca?» nishpami shaicuchinguichic.

SAN LUCAS 23:40

Shina nicpi, caishuc millai runaca: —Canpish pai shinallatac llaquita apacushpapish, ¿manachu Diosta manchangui?

ROMANOS 3:8

(Shina cacpica, ¿manachu maijanca: “Dios jatunyachishca cachunca, mana allicunata ruhuashpa catishun” ninman? Maijancunaca chashnami, ñucata llaquichingaraicu “Pabloca chashnami yachachin” nincuna.) Ashtahuanpish chashna niccunataca llaquichina cashca shinami Diosca llaquichinga.

DEUTERONOMIO 15:13

Shina cachashpapish ama chushac maquillata cachanguichicchu.

DEUTERONOMIO 18:10

Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,

DEUTERONOMIO 24:17

Shuctac llacta runa japinatapish, taita mama illaccuna japinatapish ama quichunguichicchu. Viudamantapish ama prendata japinguichicchu.

DEUTERONOMIO 27:19

Cutin: “¡Shuctac llactata runacuna, taita mama illaccuna, viudacuna japinata shucman cucca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 5:11

Mandac Dios ñucapac shutita ama yanga rimanguichu. Mandac Dios ñucapac shutita yanga rimactaca llaquichishami.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

SANTIAGO 5:12

Ñuca cuyashca criccuna, tucuimanta yallica: Imata ruhuangapacca jahua pachamantapish, cai pachamantapish, ima shuctac tiyashcamantapish ama ari nichicchu. Dios ama juchanchichunca, pactachingapac cashpaca «ari» nichic, mana pactachingapac cashpaca «mana» nichic.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.