MALAQUÍAS 3:4 - Dios Rimashcata Quillcashcami

⁴ Chashna cucpimi, Mandac Diosca ñaupa huatacunapi, ñaupa punzhacunapi cushilla chasquishca shina, Judá llactapi, Jerusalenpi causaccuna cushca ofrendataca cushicushpa chasquinga.

MALAQUÍAS 3:4 ပူးပေါင်းရင်းမြစ်များ

1 CRÓNICAS 15:26

Mandac Dios ari nishca quillcata huacaichina Arcata levitacuna apacucpi, Dios ayudashcamantami canchis becita, canchis cari ovejata Diosman cushpa huañuchirca.

1 CRÓNICAS 21:26

Davidca chaipimi Mandac Diosman shuc altarta ruhuashpa, Diosman animalta cushpa, tucui rupachirca. Dios-huan alli tucungapacpish, animalcunata rupachishpami Diosta mañarca. Pai mañashcata uyashpami, tucui rupachina animalta churashca altarman jahua pachamanta ninata cacharca.

2 CRÓNICAS 1:6

Chaipimi Diospac ñaupapi Dios-huan tupana huasipi cac bronce altarman rishpa Salomonca huaranga animalcunata Diosman cushpa rupachirca.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

SALMOS 51:19

Chashna tucui allichishca cacpimi, animalta cushpa huañuchicpipish, canman alli cacpi chasquingui. Animalta cushpa tucui rupachicpipish chasquinguimi. Cambac altarpimi becicunata cushpa rupachishun.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.