MALAQUÍAS 3:10 - Dios Rimashcata Quillcashcami

¹⁰ Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

MALAQUÍAS 3:10 ပူးပေါင်းရင်းမြစ်များ

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

GÉNESIS 7:11

Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

2 REYES 7:19

Diospac runa chashna nicpimi, jatun mandacta tucuipi servicca: «Mandac Dios jahua pacha ventanacunata pascacpipish, chashnaca mana tucungachu» nishca carca. Shina nicpimi, Eliseoca: «Riqui, chaitaca cambac ñahuihuantacmi ricungui. Shina ricushpapish chaicunataca mana micunguichu» nishca carca.

2 REYES 7:2

Shina nicpimi, jatun mandacta tucuipi servicca Eliseotaca: —Mandac Dios jahua pacha ventanacunata pascacpipish, chashnaca mana tucungachu— nirca. Shina nicpimi paica: —Chaitaca cambac ñahuihuantacmi ricungui. Shina ricushpapish chaicunataca mana micunguichu— nirca.

1 CRÓNICAS 26:20

Caishuc levitacunamantaca Ahiasmi Diospac huasipi tiyac ima valishcacunatapish, Diospaclla chicanyachishcacunatapish cuidacurca.

NEHEMÍAS 12:44

Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

NEHEMÍAS 12:47

Zorobabel, shinallatac Nehemías causacui punzhacunapica tucui israelcunami punzhanta cantaccunamanpish, pungupi cuidaccunamanpish cararcacuna. Shinallatac levitacunaman cungapacmi imallata chicanyachic carcacuna. Levitacunapish chai cushcacunamantaca Aaronpac huahua huahuacunamanmi cuna cashcata curca.

NEHEMÍAS 13:5

Shina cashpami, shuc jatun ucuta ruhuashpa paiman cushca carca. Chai ucupimi ofrendacunata, inciensota, imalla charinacunata, trigota, vinota, aceiteta, chungamanta shucta cushcacunataca huacaichic carca. Chai huacaichishcacunatami levitacunaman, cantaccunaman, pungupi cuidaccunaman, curacunaman cuchun mandashca carca.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

SALMOS 78:23

Chashna cashpapish jahua pachamanta puyuta cacharcami. Jahua pacha pungucunatapish pascarcami.

ECLESIASTÉS 11:3

Puyupi yacu junda cashpaca allpamanmi talliringa. Yuraca ura ladoman tigrashpa, mana cashpaca jahua ladoman urmashpapish chaillapitacmi saquirin.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

EZEQUIEL 44:30

Shinallatac tucui punta pucushca granopish, ñucaman cushcacunapish paicunapacmi canga. Cancunapac huasicunapi ñuca bendiciachunca, alli harina masashcatami paicunaman cuna canguichic.

OSEAS 2:21

Chai punzhapica Mandac Dios ñuca jahua pachata mañacpica, jahua pachaca cai pacha mañashcata uyangami.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

JOEL 2:24

Trillana pambapish trigo parbascuna jundami canga. Uvasta cutana pambapica llullu vinopish, aceitepish huacaichina jundami canga.

LEVÍTICO 26:10

Cancunaca ñaupa huatacuna huacaichishca granotami micunguichic. Mauca granota llucchishpami mushuc granota huacaichinguichic.

LEVÍTICO 26:3

Ñuca yachachishca shina causashpa, ñuca mandashcacunatapish cazucpica,

LEVÍTICO 27:30

Chagrapi pucushca granopish, yurapi pucushcapish chungamanta shucca Mandac Dios ñucapacmi. Chaica ñucapaclla chicanyachishcami can.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

NÚMEROS 18:21

Levipac huahuacunaca ñucahuan tupana huasipimi servincuna. Chaimantami paicunamanca israelcuna chungamanta shucta ñucaman cushcacunata cuni.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

DEUTERONOMIO 12:6

Chaimanmi tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish, quiquin munaimanta cuna ofrendatapish, punta huacharishca huagratapish, ovejatapish apana canguichic.

DEUTERONOMIO 14:22

Chagrapi pucushca granotaca chungamanta shuctaca ama cungarishpa huatanta cunguichic.

DEUTERONOMIO 14:29

Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.

DEUTERONOMIO 28:12

Paica jahua pachata pascac shinami, tamyana punzhapitac cancunapac allpapi tamyachishpa, cancunapac maquihuan ruhuashcataca bendicianga. Cancunaca imata mana mañanguichicchu, ashtahuanpish cancunami shuctac llactacunapi causaccunamanca mañachinguichic.