MALAQUÍAS 2:6 - Dios Rimashcata Quillcashcami

⁶ Levitacunaca cashcata nic mandashcacunatami yachachirca. Paicunaca ima mana allita mana rimarcachu. Cashcata ruhuashpami ñucahuan cushilla causarca. Chashnami tauca mana allita ruhuashpa causac runacunata mana allimanta anchuchirca.

MALAQUÍAS 2:6 ပူးပေါင်းရင်းမြစ်များ

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

SALMOS 119:142

Canca huiñaita cashcata ruhuacmi cangui. Can mandashcacunaca cashcata nicmi.

SALMOS 119:151

Mandac Dioslla, canca ñuca cuchullapimi cangui. Can mandashcacunaca cashcata nic rimashcacunami.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

PROVERBIOS 5:2

Chaica ñuca alli yuyaita cushcata cazungapac, cambac shimihuanpish allita rimangapacmi chashna uyana cangui.

JEREMÍAS 23:22

Ñuca acllashcacuna ñuca cunashcata uyashca cacpica, ñuca rimashcatami huillaiman carcani. Shina huillashpaca, mana alli causaccunatapish, mana allita ruhuaccunatapish allita ruhuanatami yachachishpa ñucapacman cutichimuiman carca» ninmi.

DANIEL 12:3

Alli yachaccunaca jahua pachamanta achicyachic shinami achicyachinga. Shinallatac cashcata ruhuanata taucacunaman yachachiccunaca lucero shinami, huiñaita achicyachinga.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

MARCOS 12:14

Chai runacuna Jesuspacman chayashpaca: —Yachachic, canca imatapish cashcallatami yachachingui. Dios munashca shina, alli causachunmi alli yachachingui. Canca pitapish mana manchashpa, mana piman tucushpami yachachingui. Mandashcapi nishca shinaca, ¿jatun mandac Cesarman impuestota paganachu canga? Mana cashpaca, ¿manachu pagana canga? ¿Pagashunchu, manachu pagashun?— nircacuna.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN LUCAS 20:21

Paicuna Jesustaca: —Yachachic, canca mana ñahuita ricushpalla, yachachicmi cangui. Gentecuna Dios munashca shina causachunmi, mana llullashpa yachachicungui.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

DEUTERONOMIO 33:10

Paicunami Jacobomanca mandanata allita yachachinga. Israelcunaman mandashcacunatapish yachachingami. Inciensotapish, tucui rupachinatapish, cambac altar ñaupapimi churanga.

DEUTERONOMIO 33:8

Levimanta nishpaca: «Mandac Dioslla, Tumimtapish, Urimtapish canta alli cazuc Leviman cuiyari. Pai ima shina cactaca Masá nishca Meriba yacupimi ricurcangui.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.

APOCALIPSIS 14:5

Paicunaca jaicapi imata mana llullacchu carcacuna. Shina cashpami Diospac ñaupapica jucha illac cancuna.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.