MALAQUÍAS 2:17 - Dios Rimashcata Quillcashcami

¹⁷ Mandac Diosta rimacushpalla shaicuchishpaca: «¿Imata nishpatac shaicuchishcanchic?» ninguichicmi. Shinallatac: «Maijan cashpapish mana allita ruhuashpami, Mandac Diostaca cushichinchic, chaitami paica chasquin» ninguichic. Mana cashpaca: «¿Maipitac cashcata ruhuac Mandac Diosca?» nishpami shaicuchinguichic.

MALAQUÍAS 2:17 ပူးပေါင်းရင်းမြစ်များ

JOB 34:17

¿Cashcata ruhuanata Dios piñashpaca mana mandai pudinmanchu? ¿Tucuita ruhuac, cashcata ruhuac Diostaca llaquipi churanguimanchu?

JOB 34:36

Jobca mana allita ruhuac runacuna shinami rimashpa cutichin. Chaimanta pai imata yuyarishcataca allimi ricuna can.

JOB 36:17

Shina cacpipish, canca Diosta mana manchaccuna shinallatacmi llaquichishca cangui. Taripashpa llaquichishcami cangui. Chaimantaca mana quishpiringuichu.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

ISAÍAS 1:14

Llullu quillapi, jatun fiestacunapi tandanacuita cancuna ruhuashcataca mana ricunayanchu. Chaicunaca ñucamanca llashac quipi shinami. Chaicunata ricushpallami shaicuni.

ISAÍAS 29:15

¡Aij, paicuna yuyarishcata ruhuangapac Mandac Diosmanta miticuccunalla! Paicunaca: «¿Ñucanchictaca pitac ricucun? ¿Pitac yachan?» nishpami, amsa tutapi imatapish ruhuancuna.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 43:22

Jacobopac huahuacunalla, chashna cacpipish, ñucata mana mañashpami causarcanguichic. Israelcunalla, ñucapaclla causanataca amirircanguichicmi.

ISAÍAS 43:24

Mishquillata ashnacuctapish ñucaman mana randircanguichu. Huiratapish mana ñucaman cushpa rupachircanguichicchu. Chaipac randica cancunapac juchacunatami ñucaman apachic shina cushpa llaquichircanguichic. Millaita ruhuashpa causashpami, ñucata shaicuchircangui.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 17:15

Gentecunaca ñucataca: «¿Maipitac Mandac Dios rimashcaca? ¡Cunanllatac chai rimashcacuna pactachunmi munanchic!» ninmi.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

EZEQUIEL 16:43

Can huambrarac cashpa, ima shina causacushcata mana yuyarishpami, cai tucui millaicunata ruhuashpa, ñucata llaquichircangui. Chashna millaita ruhuashcamantami ñucapish cantaca yallita llaquichisha. Canca yallita millaicunata ruhuashpami, yallita ñucata piñachircangui.

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

EZEQUIEL 8:12

Chaipimi ñucataca: «Huañunalla runa, ¿israelcunata pushac yuyaccuna tuta imata ruhuacucta ricunguichu? Tucui paicunami huasi ucupi imamanpish riccha dioscunata pintashca. Paicunaca: “Mandac Diosca ñucanchicmanta anchurishcami, mana ricucunchu” nincunami» nirca.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

AMÓS 2:13

Ñucaca cancunataca achca gavillata jundachishca carreta saruc shinami sarusha.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.