MALAQUÍAS 2:16 - Dios Rimashcata Quillcashcami

¹⁶ Quiquin huarmita shitac runatapish, mana allita ruhuashpa paipac churanata mapayachic runatapish piñanimi. Cancunapac yuyaita cuidarichic, ama cancunapac huarmita shitaichicchu. Chaitaca Mandac Dios ñucami nini.

MALAQUÍAS 2:16 ပူးပေါင်းရင်းမြစ်များ

SALMOS 73:6

Huallcata churaric shinami jatun tucushpa purincuna. Churanata churaric shinami millaita ruhuancuna.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

PROVERBIOS 5:20

Ñuca huahualla, ¿ima nishpatac shucpac huarmitaca cuyangui? ¿Ima nishpatac shucpac huarmipac chuchucunapi ucllaringui?

ISAÍAS 28:20

Chutarishpa siriringapacca camaca mana pactanchu, pullupish pilluringapacca mana pactanchu.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 59:6

Paicuna ahuashca telaca churaringapacpish mana valinchu. Paicuna imata ruhuashcahuanca mana tapari pudingachu. Imata ruhuashpapish mana allillatami ruhuan. Paicunapac maquicunaca imatapish llaquillatami ruhuan.

SAN LUCAS 16:18

Maijanpish huarmimanta raquirishpa, shuc huarmihuan cazaracca huainayanmi. Maijanpish cusamanta raquirishca huarmihuan cazaracpish, huainayanllatacmi.

1 CORINTIOS 7:10

Ña cazarashca huarmica cusata ama shitachun nishpami mandani. Caitaca mana ñucachu nini, ashtahuanpish Apunchic Jesusmi mandan.