MALAQUÍAS 2:10 - Dios Rimashcata Quillcashcami

¹⁰ ¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?

MALAQUÍAS 2:10 ပူးပေါင်းရင်းမြစ်များ

NEHEMÍAS 13:29

Ñucaca: «¡Ñuca Dioslla, curacunapish, levitacunapish ari nishcata yangata ruhuashpa, mapayashcamantaca yuyaringuiyari!» nircani.

JOB 31:15

¿Manachu ñucata mamapac huicsapi callarichic Diosllatac paicunatapish ruhuarca? Diosllatacmi tucuita ruhuarca.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

ÉXODO 19:4

“Cunanmi Egipto runacunata ñuca imata ruhuashcatapish, chaimanta cancunata jatun angapac alaspi churac shina, pushamushcatapish ricunguichic.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 24:3

Moisés cutishpaca, Mandac Dios nishcacunatapish, tucui mandashcacunatapishmi israelcunaman huillarca. Shina huillacpimi, israelcuna shuc shinalla tucushpaca: —Mandac Dios tucui imata nishcacunataca pactachishunllami— nirca.

ÉXODO 24:7

Chaimantaca Mandac Dios-huan ari nishca librota japishpami, tucui israelcunaman rezashpa uyachirca. Chaita uyashpami paicunaca: —Mandac Dios tucui nishcacunata cazushpa pactachishunllami— nirca.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 43:15

Mandac Dios ñucami, cancunapac jucha illac Dios cani. Israel llactata callarichic, cancunata Jatun Mandacmi cani» nin.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

ISAÍAS 44:2

Ñucaca cancunata ruhuac, mamapac huicsapi cacpirac huiñachic Mandac Diosmi cani. Ñucata servic Jacobopac huahuacunalla, ama manchaichicchu. Ñuca acllashca Jerusalenlla, ama manchaichu.

ISAÍAS 51:2

Cancunapac ñaupa taita Abrahamtapish, cancunata sajuaric mama Saratapish yuyarichicyari. Ashtahuanpish pai sapalla cacpimi, ñuca cayashpa bendiciashpa, achcata mirachircani.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

EZEQUIEL 33:24

«Huañunalla runa, llaquinayaita tucuchishca Israel llactapi causaccunaca: “Abrahamca pailla cashpapish llactata japircami. Ñucanchicca achcami canchic. Chaimanta japishunllami” nincunami.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 2:11

Judá llactapipish, Israel llactapipish, Jerusalenpipish mana cazushpami, millana juchacunata ruhuarca. Judá llactapi causaccunaca Mandac Dios cuyashca paipaclla huasita yangapi churashpa, mana ricsishca dioscunata mañac huarmicunahuanmi cazararca.

MALAQUÍAS 2:8

Ashtahuanpish cancunaca alli ñanmanta anchurishpami, ñuca mandashcacunata pandata yachachishpa, tauca runacunata mitcachic shina urmachircanguichic. Chashna ruhuashpami, levitacunahuan ari nishcatapish yangapi churarcanguichic.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

SAN LUCAS 1:73

Diosmi ñucanchic taita Abrahamhuan ari nishcataca pactachishca.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN JUAN 8:39

Shina nicpimi paicunaca: —Ñucanchic taitaca Abrahammi— nirca. Shina nicpimi Jesusca: —Cancuna Abrahampac huahuacuna cashpaca, Abraham ruhuashcatachari ruhuanguichicman.

SAN JUAN 8:41

Cancunaca cancunapac taita ruhuashcatami ruhuanguichic— nirca. Shina nicpimi paicunaca: —¡Ñucanchicca mana huainapac huahuacunachu canchic, ashtahuanpish shuc taitallatami charinchic! ¡Chaica Diosmi!— nirca.

SAN JUAN 8:53

¿Canca Abrahamta yallichari cangui? Paipish, Dios ima nishcata huillaccunapish huañurcami. Canca, ¿ima nishpatac chashnaca nicunguiyari?— nirca.

SAN JUAN 8:56

Taita Abrahamca ñuca cai pachaman shamuna punzhata ricushpami cushicurcami. Ña ricushpaca, ashtahuanmi cushicurca— nirca.

HECHOS 17:24

Pai Diosca cai pachatapish, cai pachapi tucui ima tiyaccunatapish ruhuacmi. Paica jahua pachatapish, cai pachatapish Mandacmi. Paica mana gentecunalla ruhuashca altarpi causanchu.

HECHOS 17:25

Paica causaitapish, samaitapish, tucui imatapish cuc Diosmi. Chaimanta mana gentecunapac ayudata shuyanchu.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

HECHOS 7:2

Chaimantami Estebanca: —Huauquicuna, taitacuna, ñuca rimashcata uyaichic: «Poderyuc Diosmi ñucanchic ñaupa taita Abraham manarac Harán pueblopi causangapac ricpi, Mesopotamia llactapi cacpi ricurirca.

HECHOS 7:26

Quipa punzha ricungapac rishpa, israelcunapurallatac macanacucucta ricushpaca: “Cancunaca huauquindimi canguichic. ¿Ima nishpatac cashna macanacucunguichic?” nirca.

ROMANOS 4:1

¿Imatatac ñaupa taita Abrahammantaca nishun? ¿Paica imatatac japishca canga?

ROMANOS 9:10

Mana chaillachu, ashtahuanpish ñucanchic ñaupa taita Isaacpac huarmi Rebecapish ishcai huahuatami charirca.

1 CORINTIOS 8:6

ñucanchicmanca shuclla Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

EFESIOS 4:6

Shinallatac tucui mashnapac taitaca shuclla Diosmi. Paica tucuita Mandac cashpami, pai munashcata tucuipi ruhuachicun, shinallatac tucuipi causacun.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

HEBREOS 12:9

Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.

JOSUÉ 24:3

Shina cacpipish, ñucami cancunapac taita Abrahamtaca jatun yacu chimba ladomanta tucui Canaán llactata muyushpa, pai achca huahuacunata charichun Isaac churita curcani.