MALAQUÍAS 1:9 - Dios Rimashcata Quillcashcami

⁹ Mandac Dios ñuca cancunaman allita ruhuachun mañaichic. Shina mañashpapish, mana alli ofrendata cucpica, ¿cancuna mañashcata chasquishachu? Chaitaca Mandac Dios ñucami nini.

MALAQUÍAS 1:9 ပူးပေါင်းရင်းမြစ်များ

2 CRÓNICAS 30:27

Chai quipaca curacunapish, levitacunapish jatarishpami, gentecunata bendiciarca. Paicuna ima nishcataca Diosca uyarcami. Shinallatac paicuna mañashcapish, Mandac Dios causacuc jahua pachacamanmi uyarirca.

ÉXODO 32:11

Shina nicpimi, Moisesca Mandac Diosta tucui shunguhuan mañashpaca: —Mandac Dioslla, ¿ima nishpatac Egipto llactamanta cambac poderhuan llucchishca, can acllashca gentecunahuanca piñaringuiyari?

JEREMÍAS 26:19

Miqueastaca, ¿Judá llactata mandac Ezequiaschu, Judá llactapi tucui causaccunachu huañuchirca? ¿Manachu Mandac Diospac ñaupapi, paita manchashpa mañarca? Shina mañacpica, ¿manachu Mandac Diosca paicunata llaquichinata saquirca? Cai runata huañuchishpaca ñucanchicllatac llaquita apangapacmi huañuchishun» nirca.

JEREMÍAS 27:18

Paicuna ñuca ima nishcata huillaccuna cashpaca, ñuca rimachicpica, ñucapac huasipi, Judá llactata jatun mandacpac huasipi, Jerusalenpi saquirishca ima charishcacunata Babilonia llactaman ama apachun, tucuita Mandac Dios ñucata mañachun.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

AMÓS 5:22

Ñucaman animalta cushpa tucui rupachicpipish, ofrendata cucpipish, mana chasquishachu. Ñucahuan alli tucungapac huira animalta ñucaman cucpica, ricunallatapish mana ricushachu.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

ROMANOS 2:11

Diosca pimanpish mana tucushpami cunga.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.