MALAQUÍAS 1:5 - Dios Rimashcata Quillcashcami

⁵ Chaita cancuna quiquin ñahuihuan ricushpaca: “¡Mandac Diosca Israel llacta linderocunatapish yalli jatunmi!” ninguichicmi.

MALAQUÍAS 1:5 ပူးပေါင်းရင်းမြစ်များ

2 CRÓNICAS 29:8

Chaimantami Mandac Dios yallita piñarishpa, Judá llactapi, Jerusalenpi causaccunaman llaquita cacharca. Chai llaqui shamucpimi, jatun mancharina tucushpa, burlashpa pingaichishca carcacuna. Chaitaca cancunapac ñahuihuantacmi ricucunguichic.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

EZEQUIEL 39:9

Israel llacta llactacunapi causaccunaca macanacuna escudocunatapish, arcocunatapish, flechacunatapish, uchilla flechacunatapish ninapi rupachingapacmi llucshinga. Canchis huatacamanmi yantata ruhuashpa rupachinga.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

DEUTERONOMIO 11:7

Ashtahuanpish cancunami Mandac Dios tucui ima ruhuashcataca quiquin ñahuihuan ricurcanguichic.

DEUTERONOMIO 4:3

Mandac Dios Baal-peor diosta mañaccunata imata ruhuashcataca quiquin ñahuihuanmi ricurcanguichic. Mandac Diosca Baal-peor diosta caticcunataca cancunapac chaupimi tucuchirca.

JOSUÉ 24:7

Paicuna, Mandac Dios ñucata caparishpa mañacpimi, ñucaca cancunahuan Egipto runacunahuan chaupipi amsa puyuta churarcani. Chashna churashpa, paicunapac jahuapi mama cucha yacuta cachacpimi, paicunataca tucui ucuyachirca. Chashna ruhuashcataca cancunapac ñahuihuantacmi ricurcanguichic. Chai quipaca tauca huatacunatami shitashca pambapi carcanguichic.

1 SAMUEL 12:16

Cunanca Mandac Dios cancunapac ñaupapi sumaimana ricuchinata ricuchigricushcata ricungapac shuyaichic.