MALAQUÍAS 1:4 - Dios Rimashcata Quillcashcami

⁴ Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

MALAQUÍAS 1:4 ပူးပေါင်းရင်းမြစ်များ

JOB 12:14

Pai urmachishcataca pi mana cutin allichinchu. Pai runata huichcashpa churashcataca pi mana cacharic pudinchu.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 11:14

Ashtahuanpish ishcai tucushpami, inti tigrana ladopi causac filisteocunataca urmachinga. Inti llucshina ladopi causaccunapac charishcacunatapish tucuimi quichungacuna. Edom, Moab llactapi causaccunaca paicunatami servinga. Amonitacunapish paicunatami cazunga.

ISAÍAS 34:10

Chashnami punzhapish, tutapish mana chiriyashpa cushnicungalla. Huiñaitami shitashca pamba saquiringa. Chaitaca pi mana puringachu.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

JEREMÍAS 31:17

Cambac huahuacunamanca alli causai tiyangami. Quiquin llactamanmi cutimunga.

JEREMÍAS 49:20

Edom llactapi causaccunapish, Temanpi causaccunapish Mandac Dios ima shina llaquichinata yuyarishcata uyaichicyari. Paicunapac manada ovejacunamanta ashtahuan uchillacamanmi apanga. Ovejacuna shayanacunatapish tucui urmachishpami saquinga.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

JEREMÍAS 49:8

Dedanpi causaccunalla, huashaiman cutishpa callpaichicyari. Esaupac huahuacunapac llaqui punzhaca ñamari chayamugrin. Huaicucunapi miticuichicyari.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

LAMENTACIONES 3:37

Mandac Dios mana mandacpica, ¿pitac imata huillanga?

EZEQUIEL 11:10

¡Cancunaca jatun macanacuipimi huañunguichic! Israel llacta linderocunapimi cancunataca taripashpa llaquichisha. Chashna ruhuacpimi, ñucataca Mandac Dios cashcata yachanguichic.

EZEQUIEL 25:13

Chaimantami Mandac Dios ñucaca Edom llacta ladota maquita alzashpa gentecunatapish, animalcunatapish tucui tucuchisha. Temán llactamantaca Dedán llactacamanmi jatun macanacuita cachashpa tucuchisha.

EZEQUIEL 25:14

Edom llactataca ñuca acllashca israelcunami llaquichinga. Paicunami chai llactataca ñuca yallita piñarishpa llaquichicuc shinallatac llaquichinga. Shina ruhuacpimi, ñuca ima shina llaquichic cashcata yachangacuna.

EZEQUIEL 26:14

Llambuclla rumita shinami saquisha, linchicunata tendina pambata shinami saquisha. Jaicapi mana llacta tucunguichu. Chaitaca Mandac Dios ñucami nini.

EZEQUIEL 35:4

Llactacunatapish llaquinayaitami tucuchisha. Chaipimi ñucataca Mandac Dios cashcata yachangui.

EZEQUIEL 35:9

Cantaca huiñaitami llaquinayai shitashca pambata saquisha. Chaipica llactacunatapish mana cutin shayachingachu. Shina ruhuacpimi, ñucataca Mandac Dios cashcata yachanguichic.

AMÓS 1:11

Mandac Diosca: «Edom llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca quiquin huauquicunatami mana llaquishpa, espadahuan huañuchirca. Paicunaca yallita piñarishpami, paicuna munashcata ruhuashpa llaquichishpa causarca.

AMÓS 3:15

Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

AMÓS 6:11

Mandac Diosmi jatun huasicunata urmachichun, chai huasi pircacunatapish urmachichun mandanga.

AMÓS 6:2

Cancunaca Calne llactaman rishpa ricuichic. Chaimantaca Hamat llactaman richic. Chai quipaca filisteocuna causana Gat llactaman richic. Cancunaca, ¿chai llactacunata yallichu canguichic? ¿Chai llactacunata atishpa, ashtahuan jatun llactapichu causanguichic?

ABDÍAS 1:1

Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

ABDÍAS 1:10

Cambac huauqui Jacobota ñacachishcamantami pingaichishpa, huiñaita chingachishca cangui.

MALAQUÍAS 1:3

Esautaca piñarcanimi. Chaimantami pai causana urcucunatapish llaquinayaita tucuchircani. Paipac allpacunatapish, chacal animalcuna causana shitashca pambatami ruhuarcani» ninmi.

SAN MATEO 12:30

Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi.