MALAQUÍAS 1:14 - Dios Rimashcata Quillcashcami

¹⁴ Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

MALAQUÍAS 1:14 ပူးပေါင်းရင်းမြစ်များ

GÉNESIS 27:12

Ñuca taita maquihuan tuparishpa ricsishpaca, ñuca umashcamanta bendicianapac randica maldiciangami— nirca.

2 SAMUEL 24:24

Shina nicpipish, jatun mandac Davidca jatun mandac Araunataca: —Mana, ñuca Mandac Diosman tucuita rupachinataca mana yanga chasquisha ninichu. Chaimanta mashna valishcatami pagasha nini— nirca. Chaimantami Davidca trillana eratapish, huagracunatapish pichca chunga siclos cullquipi randirca.

SALMOS 102:16

Mandac Diosmi Siontaca shayachinga. Paipac sumaimanami ricuringa.

SALMOS 47:2

Jahua pachapi causac Mandac Diosca manchana jatun Diosmi. Tucui cai pachata jatun Mandacmi.

SALMOS 47:3

Paimi llactapi causaccunata ñucanchic mandachun churashpa, paicunataca ñucanchic chaqui ucupi churanga.

SALMOS 47:8

¡Diosca tucui llactacunatami mandacun! ¡Diosca chicanyachishca paipaclla tiyanapi tiyashpami mandacun!

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

SALMOS 68:35

Diosca paipaclla huasipi tiyashpami, jatun mancharinacunata ruhuacun. Israelcunapac Diosca pai acllashcacunamanca fuerzata cushpami sinchiyachin. ¡Sumac Diosca alli nishca cachun! 4

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

SALMOS 95:3

Mandac Diosca jatun Diosmi. Tucui dioscunamanta ashtahuan jatun Mandac Diosmi.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

JEREMÍAS 46:18

Ñucaca causacuc Jatun Mandacmi cani. Ñuca shutica tucuita Mandac Diosmi. Soldadocunaca tucui urcucunamanta yalli Tabor urcuta, mama cucha ladopi tiyac Carmelo urcuta yalli jatunmi chayamunga.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

JEREMÍAS 48:15

Ñucaca Jatun Mandacmi cani. Ñuca shutica tucuita Mandac Diosmi. Moab llactaca ñami tucuringa. Llactacunapish tucuimi urmanga. Huambrarac runacunatapish cungata pitishpami huañuchinga.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

MALAQUÍAS 1:8

Mana ricuc animalta ñucaman huañuchichun cushcaca, ¿cancunamanca allichu? Suchu animalta, ungushca animalta ñucaman cushcapish, ¿cancunamanca allichu? Alli cacpica, chai animaltaca cancunata mandacman cugrichicyari. Shina cucpica, ¿cantaca alli ningachu? ¿Chai cushcataca chasquingachu?» ninmi.

MALAQUÍAS 2:1

Tucuita Mandac Diosca: «Curacunalla, cai mandashcacunaca cancunapacmi.

MALAQUÍAS 3:9

Cai llactapi causaccunalla, cancunaca ñucapactami shuhuarcanguichic. Chaimantami tucui llactapi causaccuna mana alli nishca canguichic.

SAN MATEO 24:51

Chashna shamushpami llaquichishpa, mishqui shimi jayac shungu gentecunahuan churanga. Chaipica huacaihuanmi quiru caniringa.

SAN MATEO 5:35

shinachari paipac chaqui saruna cai allpamantapish, shinachari Jerusalén Jatun Mandacpac pueblomantapish,

MARCOS 14:8

Cai huarmica pai ruhuai pudishcatami ruhuashca. Ñuca cuerpo sumacta enterrashca cachunmi, utca ruhuashca.

SAN LUCAS 12:46

Chashna ima punzha, ima horas shamunata mana yachashpa puricucpimi, cungailla amo chayamunga. Chashna chayamushpaca, caishuc mana cazuccunata shinallatacmi, huañucta macachishpa llaquipi churanga.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

HEBREOS 12:29

Chaica, ñucanchic Diosca tucuita rupachic nina llama shinami.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.