MALAQUÍAS 1:11 - Dios Rimashcata Quillcashcami

¹¹ Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

MALAQUÍAS 1:11 ပူးပေါင်းရင်းမြစ်များ

1 CRÓNICAS 16:25

Mandac Diosca jatunmi. Jatunyachishca canatami can. Ruhuashcalla dioscunata atishpa, manchana Diosmi.

SALMOS 111:9

Pai acllashcacunaman quishpichicta cachashpami, huiñai huiñaipac ari nirca. Paica jucha illac manchana Diosmi.

SALMOS 113:3

Inti llucshina ladomantaca inti tigrana ladocaman Mandac Diospac shutita alabachuncuna.

SALMOS 138:5

Mandac Dios ruhuashcacunatami cantangacuna. Mandac Diosca jatun sumaimanami.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

SALMOS 45:17

Quipa huiñaicuna canta yuyarichunmi, cai shimicunataca canman rimani. Shuctac llactapi causaccunapish canta yuyarishpami, huiñai huiñaita alli ningacuna.

SALMOS 48:10

Sumac Dioslla, cambac shutita alli nina cashca shinallatacmi cantaca tucui cai pachapi causaccuna alli nincuna. Cambac alli maquihuanca cashcatami ruhuangui.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 50:1

Cancunata Mandac Dios, tucui dioscunapac Diosmi rimarca. Paimi cai pachapi causaccunataca inti llucshina ladomanta inti tigrana ladocaman tandanacuchun cayashca.

SALMOS 65:9

Cai pachatapish ricungapac shamushpa, tamyachishpami yallita granota pucuchingui. Cambac jatun yacuta tallishpami sumaimana chagrata pucuchingui. ¡Can munashca shinami tucuita ruhuangui!

SALMOS 67:2

Chashna ruhuacpimi, cai pachapica cambac ñanta ricsishpa, can quishpichic cashcatapish tucui llactapi yachangacuna.

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

SALMOS 96:8

Mandac Diostaca paipac shutita alli nina cashcamanta sumaimanami cangui nichic. Paiman ofrendata apashpa, paipac huasi canzha pambaman shamuichic.

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

ISAÍAS 12:5

¡Mandac Diosca jatun mancharinacunatami ruhuashca! Chaimanta paitaca salmocunahuan cantaichicyari. Chaicunataca tucui cai pachapi causaccunami yachana can.

ISAÍAS 19:21

Chaipimi Mandac Diosca Egiptopica ricsishca tucunga. Chai punzhapimi paicunaca Mandac Diosta ricsinga. Shina ricsishpami, animalcunata cushpa huañuchinga. Shinallatac grano ofrendatapish cungami. Mandac Diosman imata ruhuashami nishcatapish pactachingami.

ISAÍAS 30:27

¡Riquichic, Mandac Diospac shutica carumantami shamun! Paipac ñahuipish nina japirishpa cushnicuc shinami tucushca. Paipac callupish yallita piñarishcami. Paipac shimipish tucuchic nina shinami.

ISAÍAS 45:6

Chaica, inti llucshic ladomanta inti tigrana ladocaman causaccunaca ñucaca Mandac Dios cashcata, shuctac Diosca mana tiyashcata yachachunmi chashnaca ruhuarcani.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 66:18

Ñucaca paicuna imata ruhuashcatapish, imata yuyaricushcatapish yachanimi. Tucui llactamanta chican chican rimaita rimac, tucui runacunata tandachina punzhacunami chayamunga. Paicuna shamushpami, ñuca poderta ricunga.

JEREMÍAS 10:6

¡Mandac Dioslla, can shinaca pi mana tiyanchu! Canllami jatun cangui. Cambac shutica jatun poderyucmi.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

DANIEL 2:45

Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.

AMÓS 9:12

Chashna ruhuacpimi, ñuca shutipi mañancuna. Edom llacta asha saquirishcatapish, tucui llactacunatapish, paicuna japinga. Chaitaca pactachishami. Chaitaca Mandac Dios ñucami nini.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

SOFONÍAS 3:9

Chai huatapimi Mandac Dios ñucata mañashpa, shuc yuyailla tucushpa, servichun gentecunapac shungutaca mushucyachisha.

ZACARÍAS 8:7

Tucuita Mandac Diosca: Ñuca acllashcacunataca inti llucshina ladomanta, inti tigrana ladomantami quishpichimusha.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

MALAQUÍAS 3:3

Paimi Levipac huahuacunataca chuyayachinga. Chaimantami curita, cullquita chuyayachic shina, juchacunata anchuchishpa chuyayachingapac tiyaringa. Cullquita ninapi rupachishpa, chuyayachic shinami mapata anchuchinga. Shina ruhuacpimi, cashcata ruhuashpa, Mandac Diosman ofrendata cunga.

NÚMEROS 7:74

Shinallatac chunga siclosta pezac curi cucharapi inciensota jundachishcatapish apamurcami.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SAN LUCAS 1:10

Pai inciensota rupachicucpica, tucui gentecunami canzha pambapi Diosta mañacurca.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.

2 TESALONICENSES 1:12

Chashnami cancunaca ñucanchic Apunchic Jesustaca alli ninguichic, shinallatac cancunatapish Paica alli ningami. Chashnami ñucanchic Diospish, Apunchic Jesucristopish mai cuyashcamanta alli ninga.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.