SAN LUCAS 9:32 - Dios Rimashcata Quillcashcami

³² Pedropish, paihuan caccunapish yalli sueñunayaihuanmi carca. Shina cashpapish, Jesús chashna sumaimana achiclla tucuctapish, paihuan parlanacucuc ishcai runacunatapish ricucurcami.

Nuevo Testamento en Quichua Cañar 1996

³² Pedroca paihuan caccunandic suiñunaihuan huañucushpapish mana suiñushpami, Jesús chashna sumaimana achiclla tucuctapish, shinallatac paihuan parlanacucuc ishcai runacunatapish ricucurcacuna.

SAN LUCAS 9:32 ပူးပေါင်းရင်းမြစ်များ

ISAÍAS 60:19

Punzhaca mana intichu cantaca achicyachinga. Tutaca mana quillachu cantaca achicyachinga. Ashtahuanpish Mandac Dios ñucami huiñai huiñaita achicyachisha. Cambac Dios ñucami cambac sumaimana achicyachic casha.

DANIEL 10:9

Chai quipaca pai rimashcatami uyarcani. Chai rimashcata uyashpaca urai singa urmashpami sueñushpa saquirishca carcani.

DANIEL 8:18

Pai ñucahuan parlacucllapitacmi pambapi urai urmashpa sueñushpa saquirishcarcani. Shina cacpimi, pai tuparishpa,

MARCOS 14:40

Cutimushpaca, paipac yachacuccunataca cutin sueñucucpimi tuparirca. Paicunaca yalli sueñuihuan cashpami, ñahuitapish mana pascai pudirca. Chaimantami imata mana nirca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

2 PEDRO 1:16

Poderta charic Apunchic Jesús cutimunamanta ñucanchic yachachishcaca, mana ñucanchic yuyaillamanta yanga rimaicunallachu, ashtahuanpish ñucanchic quiquin ñahuihuantacmi, Apunchic Jesús tucuimanta yalli sumaimana cashcataca ricurcanchic.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.