SAN LUCAS 8:51 - Dios Rimashcata Quillcashcami

⁵¹ Jesús Jairopac huasiman chayashpaca, Pedrota, Jacobota, Juanta, huahuapac taita mamallatami pushashpa yaicurca. Shuccunataca mana yaicuchircachu.

Nuevo Testamento en Quichua Cañar 1996

⁵¹ Ña Jairopac huasiman chayashpaca, Jesusca Pedrota, Jacobota, Juanta, shinallatac huahuapac taita mamallatami pushashpa yaicurca. Ashtahuanca pita mana yaicuchircachu.

SAN LUCAS 8:51 ပူးပေါင်းရင်းမြစ်များ

2 REYES 4:33

Chaimantami Eliseoca ishcaitatac canzhapi saquishpa, punguta huichcarishpa, Mandac Diosta mañarca.

ISAÍAS 42:2

Paica mana caparingachu, mana sinchita rimangachu. Ñancunapipish pai rimashcaca mana uyaringachu.

MARCOS 14:33

Pedrota, Jacobota, Juanta pushashpa rirca. Shina rishpami, Jesusca shungupi yallita llaquiri callarirca.

SAN LUCAS 6:14

Paicunaca: Pedro nishca Simón, Simonpac huauqui Andrés, Jacobo, Juan, Felipe, Bartolomé,

SAN LUCAS 8:50

Chashna nicta Jesús uyashpaca: —Ama mancharichu, crilla. Cambac ushica causaringallami— nirca.

SAN LUCAS 8:52

Tucui gentecunami chai huahuamanta caparishpa huacacurca. Chaimantami Jesusca: —Ama huacaichicchu. Huahuaca mana huañushcachu, sueñucunllami— nirca.

SAN LUCAS 9:28

Chashna nishcamanta pusac punzha shinapimi, Jesusca Pedrohuan, Juanhuan, Jacobohuan Diosta mañangapac urcuman rirca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.