SAN LUCAS 7:22 - Dios Rimashcata Quillcashcami

²² Jesús paicunata alliyachishpaca: —Juanpacman rishpa, cancuna imata ricushcatapish, uyashcatapish huillanguichic. Ñahui mana ricuccuna ricucushcatapish, suchucuna puricushcatapish, lepra ungüihuan caccuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillanguichic.

Nuevo Testamento en Quichua Cañar 1996

²² Chashna Jesús ña alliyachishpaca: —Juanmanca cancuna imata ricushcatapish, uyashcatapish huillagrichic. Ñahui mana ricuccuna ricucushcatapish, suchucuna alli puricushcatapish, lepra*f** ung:uihuan ungushcacuna alliyashcatapish, rinri mana uyaccuna uyacushcatapish, huañushcacunata causachishcatapish, shinallatac huacchacunaman alli huillaita huillashcatapish huillagrichic.

SAN LUCAS 7:22 ပူးပေါင်းရင်းမြစ်များ

JOB 29:15

Ñucaca ñahui mana ricucpacca ñahui shinami carcani. Suchupacca chaqui shinami carcani.

SALMOS 146:8

Mandac Diosca mana ricuccunata ñahuita pascacmi. Mandac Diosca urmashcacunata jatarichicmi. Mandac Diosca cashcata ruhuaccunata cuyacmi.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 43:8

Mandac Diosca: «Ñuca acllashcacunata llucchimuichic. Paicunaca ñahuita charishpapish mana ricunchu. Ringrita charishpapish mana uyanchu.

JEREMÍAS 31:8

Ñucaca jahua lado llactamanta, shinallatac tucui cai pacha tucuri llactamantami tandachisha. Chashna tandachicpimi, ñahui mana ricuccunapish, suchucunapish, huicsayuc huarmicunapish, llullu huahuayuc huarmicunapish caiman cutin tandanacumunga.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

SAN MATEO 21:14

Jesús Diosta mañana huasipi cacpica, ñahui mana ricuccunapish, suchucunapishmi shamurca. Jesusca paicunataca alliyachircami.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

SAN LUCAS 7:21

Chai ratollacmi Jesusca tauca ungushcacunatapish, supai japishcacunatapish, ñahui mana ricuccunatapish alliyachirca.

SAN LUCAS 7:23

Cushicuichic, ñucata caticushcamanta mana pingaccuna— nirca.

SAN JUAN 1:46

Shina nicpimi Natanaelca: —Nazaret pueblomantaca, ¿ima allitac llucshingachu?— nirca. Shina nicpimi Felipeca: —Canllatac shamui, ricungui— nirca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

HECHOS 8:7

Taucacunamantami llaquichic supaicunata llucchishpa cacharca. Chai supaicunaca caparishpami llucshic carca. Tauca paralisis ungushcacunatapish, suchucunatapish alliyachircami.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.