SAN LUCAS 23:33 - Dios Rimashcata Quillcashcami

³³ Calavera nishca urcuman chayashpaca, Jesusta chacatarcami. Ishcai millai runacunatapish, shuctaca alli maquiman, shuctaca lluqui maquimanmi chacatarca.

Nuevo Testamento en Quichua Cañar 1996

³³ Ña Uma Tullu nishca urcuman chayashpaca, Jesusta chacatarcacunami. Shinallatac chai ishcai huañuchiccunatapish, shuctaca alli maquiman, shuctaca lluqui maquiman chacatarcacunami.

SAN LUCAS 23:33 ပူးပေါင်းရင်းမြစ်များ

SALMOS 22:16

Allcucuna shinami muyunacushpa charicuncuna. Millai gentecunami ñuca muyundipi shayacuncuna. Ñuca maquicunatapish, chaquicunatapish llaquinayaitami chugrichincuna.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 20:19

mana israelcunaman cungacuna. Paicunaca ñucata pucllashpa asingami. Macashpa, cruzpi chacatashpami huañuchinga. Chashna huañuchicpipish, quimsa punzhapica causarishallami» nirca.

SAN MATEO 26:2

—Caimanta ishcai punzha quipa, Pascua punzha cashcataca cancunallatac yachanguichicmi. Chai punzhapimi, Runa Tucungapac shamushca ñucataca, cruzpi chacatachun japichingacuna— nirca.

SAN LUCAS 24:7

Paica: “Runa Tucungapac shamushca ñucataca, juchayuc runacuna japishpa huañuchingacunami. Huañuchicpipish, quimsa punzhapica causarishami” nircami— nirca.

SAN JUAN 18:32

Chashnami, Jesús pai ima shina huañunata huillashcaca pactarca.

SAN JUAN 3:14

Ima shinami Moisés shitashca pambapi broncemanta ruhuashca culebrata caspipi huarcushpa ricuchirca, shinallatacmi Runa Tucungapac shamushca ñucapish, caspipi huarcushca cana cani.

HECHOS 13:29

Jesusmanta Dios quillcachishcapi tucui nishcacunata pactachishca quipaca, chacatashcamanta uricuchishpami enterrarcacuna.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

HECHOS 5:30

Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.