SAN LUCAS 18:31 - Dios Rimashcata Quillcashcami

³¹ Jesús paipac chunga ishcai yachacuccunata cayashpaca: —Jerusalén puebloman chayacpimi, Runa Tucungapac shamushca ñucamanta Dios ima nishcata huillaccuna quillcashcaca pactanga.

Nuevo Testamento en Quichua Cañar 1996

³¹ Chai q'uipami, Jesusca paipac chunga ishcai yachacuccunallata c'ayashpa: —Cunanca Jerusalén pueblomanmi ricunchic. Chaipimi Runa Tucungapac shamushca*f** ñuca ima tucuna cashcata Diosmanta ñaupa huillaccuna quillcashcacunaca pactanga.

SAN LUCAS 18:31 ပူးပေါင်းရင်းမြစ်များ

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

SAN MATEO 27:63

Chaiman rishpaca: —Jatun mandaclla. Cai llullac runa causacushpa: “Quimsa punzhapica causarishami” nishcatami yuyarinchic.

MARCOS 8:9

Micuccunaca chuscu huaranga shinami carca. Chai quipaca Jesusca paicunapac huasicunamanmi cacharca.

SAN LUCAS 10:30

Chashna nicpimi Jesusca: —Shuc runa Jerusalenmanta Jericó puebloman shamucucpimi, shuhuaccuna imalla charishcacunata quichushpa, macashpa huañunallata saqui rirca.

SAN LUCAS 9:22

Shinallatac Jesusca: —Runa Tucungapac shamushca ñucaca llaquicunata apanami cani. Curacunata mandac curacunapish, pushac yuyaccunapish, mandashcacunata yachachiccunapish mana ricusha nishpami huañuchinga. Chashna huañuchicpipish, quimsa punzhapica causarishami— nirca.

SAN LUCAS 9:51

Jesusca jahua pachaman rina punzha chayamucucpimi, Jerusalén puebloman rina yuyailla carca.