SAN LUCAS 18:1 - Dios Rimashcata Quillcashcami

¹ Diosta punzhanta mana shaicushpa mañanamanta Jesús chimbapurashpa, parlashpaca:

Nuevo Testamento en Quichua Cañar 1996

¹ Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

SAN LUCAS 18:1 ပူးပေါင်းရင်းမြစ်များ

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

SALMOS 27:13

¡Gentecuna causana cai pachapi Mandac Diospac cuyaita mana crishpaca, musparishpa huañuimanmi carcani!

SALMOS 65:2

Ñuca mañashcataca uyangui. Tucui runacunami cambacman shamungacuna.

SALMOS 86:3

Mandac Dioslla, ñucata llaquiyari. Canllatami tucui punzha mañani.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

ISAÍAS 62:7

¡Jerusalenta cutin shayachishpa, cai pachapi causaccunapac alli nishca ningacaman ama samaringuichicchu!

JEREMÍAS 29:12

Shina ruhuacpica, ñucata mañangapac shamunguichicmi. Chashna mañacpica, ñucaca uyashami.

JONÁS 2:7

Ñuca huañunalla cashpami Mandac Dios canta yuyarircani. Ñuca mañashcaca cambaclla huasimanmi chayarca.

SAN LUCAS 11:10

Maijanpish mañacca japinmi. Maijanpish mashcacca tarinmi. Maijanpish cayactaca chasquingami.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

EFESIOS 6:18

Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

COLOSENSES 4:2

Diosta mañashpa, paita pagui nicuichiclla.

1 TESALONICENSES 5:17

Punzhanta Diosta mañaichic.

1 SAMUEL 1:12

Mandac Diospac ñaupapi Ana ña unaita mañacucpimi, Elica paipac shimita ricucurca.