SAN LUCAS 16:23 - Dios Rimashcata Quillcashcami

²³ Chai chayuc runaca ucu pachapi llaqui nanaihuan cashpami, huichailla ricushpaca Abrahamtapish, paipac ladopi Lazarotapish ricurca.

Nuevo Testamento en Quichua Cañar 1996

²³ Chai chayuc runaca ucu pachapi munai llaqui nanaihuan cashpami, huichailla ricushpa Abrahamtapish, shinallatac paipac cuchupi tiyacuc Lazarotapish ricurca.

SAN LUCAS 16:23 ပူးပေါင်းရင်းမြစ်များ

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

SALMOS 49:15

Ashtahuanpish ñucataca Seolmantami quishpichinga. Paimi ñucataca pushanga.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

SALMOS 9:17

Millaita ruhuaccunapish, Diosta cungaric gentecunatapish Seolmanmi apashca canga.

PROVERBIOS 15:24

Alli yuyaita charicmanca causaiman apac ñanca jahuamanmi. Seolman apac ñanmantaca chashnami anchuringa.

PROVERBIOS 5:5

Paipac chaquicunaca huañuiman, paipac purishcaca Seolmanmi pushacun.

PROVERBIOS 7:27

Chai huarmipac huasica Seolman apac ñanmi. Chai ñanca huañushcacunapacman chayachicmi.

PROVERBIOS 9:18

Ashtahuanpish chaiman riccunaca chaipi achca huañushcacuna cashcataca mana yachanchu. Chaiman cayashcacunaca Seol ucupimi.

ISAÍAS 14:15

Ashtahuanpish cantaca Seol ucumanmi shitarca.

ISAÍAS 14:9

Canta ricushpaca Seol ucupish cuyurircami. Canhuan tupachunmi, huañushcacunatapish ricchachirca. Cai pachapi tucui mandaccunatapish, jatun mandaccunatapish mandashpa tiyarinamanta jatarichircami.

SAN MATEO 11:23

Capernaúm pueblopi causaccuna, ¿jahua pachaman rishunmi yuyanguichicchu? Ashtahuanpish ucu pachamanmi shitashca canguichic. Cancunapac pueblopi milagrocunata ruhuashca shina, Sodoma pueblopi ruhuashca cacpica, cunan punzhacamanmi tiyanman carca.

SAN MATEO 18:9

Cambac ñahui juchapi urmachicpica, llucchishpa shitangui. Ishcai ñahuindi ucu pacha ninapi shitashca canapac randica, chulla ñahuilla jahua pachapi yaicunami canmanca ashtahuan alli canga.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

SAN MATEO 5:29

Chaimanta cambac alli lado ñahui juchapi urmachisha nicpica, surcushpa shitangui. Tucui cuerpo ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SAN LUCAS 16:24

Chaimanta chayuc runa caparishpaca: “¡Taita Abrahamlla, ñucata llaquiyari! Ñucaca cai ninapimi llaqui nanaihuan apacuni. Chaimanta Lazarota cachai, paipac dedota yacupi satishpa, ñuca callullatapish chiriyachichun” nirca.

SAN LUCAS 16:28

Chaipica pichca huauquicunatami charini. Paicunapish cai ninapi ama llaquita apangapac shamuchun huillachun cachai” nirca.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

1 CORINTIOS 15:55

Huañui, ¿maipitac cambac poderca? ¿Maipitac nanachishpa, huañuchicca?» ninmi.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.