SAN LUCAS 16:19 - Dios Rimashcata Quillcashcami

¹⁹ Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

Nuevo Testamento en Quichua Cañar 1996

¹⁹ Shuc chayuc runami tiyarca. Chai runaca punzhantami achca valic churanata churarishpa, alli micunallata micushpa cushicuc carca.

SAN LUCAS 16:19 ပူးပေါင်းရင်းမြစ်များ

ESTER 8:15

Mardoqueoca jatun mandacpac ñaupamantaca jatun mandaccuna churarina azul yurac churanahuan, jahualla churanatapish lino puchcahuan ruhuashca morado churanata churashca, umapica jatun curi coronata churashcami llucshirca. Chashna churashcata ricushpami, Susa pueblopi causaccunaca yallita cushicurca.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.

PROVERBIOS 31:22

Pullucunatapish paillatacmi ruhuan. Paipac churanacunapish ashtahuan alli linota ahuashca yana puca churanami.

ISAÍAS 3:23

espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.

EZEQUIEL 16:13

Canca curihuan, cullquihuan allichishcami carcangui. Alli linomanta, sedamanta ruhuashca sumac churanatami churarircangui. Micunatapish ashtahuan alli trigo harinata, abeja mishquita, aceitetami micurcangui. Chashnami canca tucuimanta yalli alli tucushpa, jatun mandacpish tucurcangui.

EZEQUIEL 16:49

Cambac ñaña Sodomaca yalli micunata charishpami, jatun tucushpa, llaquipi causaccunatapish, imata mana chariccunatapish mana ayudashpa juchallirca.

EZEQUIEL 27:7

Barcota apac pañoca Egiptopi bordashca sumac pañomi carca. Carpaca mama cucha ladopi cac Elisa llactamanta azul, yana puca telami carca.

MARCOS 15:17

Chaipimi soldadocunaca morado churanata Jesusman pachallichishpa, casha anguta ahuashca coronata churachirca.

MARCOS 15:20

Chashna burlashca quipami, morado churanata llucchichishpa, paipac churanallatatac cutin churachishpa, chacatangapac aparcacuna.

SAN LUCAS 15:13

Asha punzhacuna quipaca, chai quipa churica, tucui pai japishcacunata tandachishpami, caru llactaman rirca. Chaipi maipish cachun causashpami, tucui pai charishcacunata tucuchirca.

SAN LUCAS 16:1

Jesusca paipac yachacuccunataca: «Shuc chayuc amomi, shuc mayordomota charirca. Paitami amoca, paipac charishcacunata yanga tucuchishcamanta juchanchirca.

SAN LUCAS 16:18

Maijanpish huarmimanta raquirishpa, shuc huarmihuan cazaracca huainayanmi. Maijanpish cusamanta raquirishca huarmihuan cazaracpish, huainayanllatacmi.

SAN LUCAS 16:20

Shinallatac sisuhuan apyacuc, huaccha Lázaro runapish tiyarcami. Paica chayuc runapac huasi pungupimi

APOCALIPSIS 17:4

Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.

APOCALIPSIS 18:16

Chashna saquirishpaca: «¡Aij, aij, jatun pueblolla! Canca sumaimana lino nishca morado, shinallatac puca churanata churarishca sumac huarmi shinami carcangui. Shinallatac curihuanpish, sumaimana rumicunahuanpish, perlascunahuanpish allichishcami carcangui.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.

JUECES 8:26

Chai tucui zarcillocunata tandachicpica, huaranga canchis patsac siclos llashacmi carca. Chaica sumac churanacunata, lunetacunata, sortejascunata, madianitacunata pushaccunapac churanacunata, camellocunapac cungapi apashca sumaccunata cushca jahuami chaita curca.