SAN LUCAS 15:13 - Dios Rimashcata Quillcashcami

¹³ Asha punzhacuna quipaca, chai quipa churica, tucui pai japishcacunata tandachishpami, caru llactaman rirca. Chaipi maipish cachun causashpami, tucui pai charishcacunata tucuchirca.

Nuevo Testamento en Quichua Cañar 1996

¹³ Chai q'uipa churica asha punzhacuna q'uipa tucui pai japishcacunata c'atushpa, cullquita tandachishpaca, caru llactamanmi rirca. Chai caru llactapimi maipish cachun causashpa, tucui pai charishcacunataca tucuchirca.

SAN LUCAS 15:13 ပူးပေါင်းရင်းမြစ်များ

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

PROVERBIOS 18:9

Quilla runaca imatapish tucuchic runahuanca quiquin huauquindi shinami.

PROVERBIOS 21:17

Mana allicunata ruhuashpa cushicuc runaca huacchayangami. Vinotapish, mishquilla ashnacuctapish munac runaca mana charicyangachu.

PROVERBIOS 21:20

Yuyaisapa runapac huasipica ima valiccunapish, aceitepish tiyanmi. Ashtahuanpish yuyai illac runaca tucuitami tucuchin.

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

PROVERBIOS 28:7

Mandashcata pactachicca alli yuyaiyuc churimi. Ashtahuanpish micushpalla causac runahuan tandanacuc churica taitapac pingaimi.

PROVERBIOS 29:3

Alli yachacunata munac runaca paipac taitata cushichinmi. Ashtahuanpish cullquimanta huainayac huarmihuan puricca tucui charishcatami yanga tucuchin.

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

ISAÍAS 30:11

Alli ñanmanta, alli yachaimanta anchurichic. Israelcunapac jucha illac Diosmanta ama ashtahuan ñucanchic ñaupapi rimaichicchu” nincunami» ninmi.

ISAÍAS 56:12

Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

MIQUEAS 6:3

Ñuca acllashcacunalla, ¿cancunataca imatatac ruhuarcani? Mana cashpaca, ¿imata ruhuashpatac piñachircani? ¡Imata cashpapish huillaichiclla!

SAN LUCAS 15:12

Quipa churica taitataca: “Taitito, ñuca japina cashcataca cui” nirca. Shina nicpimi, taitaca tucui charishcacunata chaupishpa curca.

SAN LUCAS 15:14

Tucui tucuchishca quipaca, chai llactapi ima mana pucucpi, yalli yarcaimi tiyarca. Chaimantami paipish llaquilla causai callarirca.

SAN LUCAS 15:30

¿Chai mana alli huarmicunahuan purishpa, can cushcacunatapish tucuchishpa shamucpichu, canca huira huagrata huañuchichishpa cushicucungui?” nirca.

SAN LUCAS 16:1

Jesusca paipac yachacuccunataca: «Shuc chayuc amomi, shuc mayordomota charirca. Paitami amoca, paipac charishcacunata yanga tucuchishcamanta juchanchirca.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

EFESIOS 2:13

Shina cacpipish Cristo Jesus-huan shuclla tucushcamantami, cunanca pai yahuarta jichashcamanta Diosmanta carupi cashpapish, Diosman cuchuyashcanguichic.

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.

2 PEDRO 2:13

Shuccunata llaquichishcamantaca, paicunapish llaquita apangacunami. Imapish mapa, mana allicunata punzha pacha ruhuashpaca, allitami ruhuanchic nishpami cushicuncuna. Cancunahuan tandanacushpa micungapac rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.