SAN LUCAS 13:19 - Dios Rimashcata Quillcashcami

¹⁹ Dios mandacucca, mostaza muyuta shuc runa paipac allpapi tarpucpi, huiñashpa jatunyac shinami. Chai yurapica, volac animalcunami ramacunapi cuzhata ruhuan» nirca.

Nuevo Testamento en Quichua Cañar 1996

¹⁹ Taita Dios mandacucca, mostaza uchilla muyuta shuc runa paipac allpapi tarpucpi, huiñashpa jatunyac shinami. Chashna jatunyacpica, zhutacunapish chai ramacunaman shamushpaca c'uzharincunallami” nirca.

SAN LUCAS 13:19 ပူးပေါင်းရင်းမြစ်များ

CANTARES 4:12

Ñuca panilla, ñuca cuyashca huarmilla, muyundita jarcashca huerta shinami cangui. Tapashca yacu jundu shina, unanchishca yacu jundu shinami cangui.

CANTARES 4:16

¡Aquilón huaira jatariyari! ¡Austro huaira shamuiyari! ¡Ñuca huertata pucuiyari! ¡Mishquilla ashnacucta shic-huaiyari! ¡Ñuca cuyashcaca paipac huertamanmi shamucun! ¡Mishquilla frutacunata micuchun!

CANTARES 6:2

Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

CANTARES 8:13

¡Huerta chaupipi causac huarmilla, cambac rimashcata uyachiyari! ¡Ñuca ricsishcacunamanpish, ñucamanpish can rimashcata uyachiyari!

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 31:6

Chai ramapimi tucui volac animalcunapish cuzhata ruhuarca. Chai rama ucupica sacha animalcunami huacharca. Tauca llactacunami chai yura ucupi llandurirca.

DANIEL 4:12

Chai yuraca pangasapa, achca granocunahuanmi carca. Chaipi pucushca granoca tucuiman pactaipacmi carca. Tucui animalcunami chai pangasapa yura ucupi llanduricurca. Cutin volashpa ric animalcunaca ramacunapimi causacurca. Tucui causaita chariccunami chai yura pucushcata micushpa causacurca.

DANIEL 4:21

pangasapa, granocuna jundashca, chai granocunaca tucuiman pactac, tucui animalcuna chai yura ucupi llandurina, cutin ramacunapica volac animalcuna causana yuraca,

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

SAN MATEO 17:20

Shina nicpimi Jesusca: —Cancunaca, mana tucui shunguhuan cricchu canguichic. Cancuna crishca shuc uchilla mostaza muyu shinallapish cacpica, cai urcuta “caimanta chimbaman ri” nicpica, rinmanllami. Chashna ashallatapish cric cashpaca, imapish ruhuanguichicmanmi. Chaica chashnatacmi can.

MARCOS 4:30

Cutinllatac Jesusca: —Dios mandacuctaca, ¿ima shina cashcatatac nisha? ¿Ima parlohuantac chimbapurasha?

SAN LUCAS 17:6

Shina nicpimi Apunchic Jesusca: —Mostaza muyu shina ashallatapish crishpaca, cai jatun sicómoro yurata: “Caimanta anchuri, jatun cuchapi shayarigri” nicpica, cazunmanllami— nirca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

HECHOS 21:20

Chashna parlacta uyashpaca, Diosta “allimari cangui” nishpami: —Huauqui, riquiyari, huaranga huaranga israelcunami Jesustaca crishca. Tucui chaicunami: “Moisés mandashcacunataca cazunami canchic” nicuncuna.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.