SAN LUCAS 13:13 - Dios Rimashcata Quillcashcami

¹³ Chashna nishpa paipac uma jahuapi maquita churacpica, ña derecharishpa, Diosta “allimari cangui” nircallami.

Nuevo Testamento en Quichua Cañar 1996

¹³ Chashna nishpa paipac uma jahuapi maquita churacpica, chai huarmica ña derecharishcahuan, Taita Diosta “allimari cangui” nircallami.

SAN LUCAS 13:13 ပူးပေါင်းရင်းမြစ်များ

SAN MATEO 9:8

Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

MARCOS 5:23

paipac ñaupapi cungurishpaca: —Ñuca ushimi huañugricun. Can rishpa, ñuca ushipac uma jahuapi maquita churacpica, mana huañungachu, alliyangami— nishpa mañarca.

MARCOS 6:5

Chaimantami chaipica, ima milagrocunatapish mana ruhuarca. Maijan ungushcacunallatami paicunapac jahuapi maquita churashpa alliyachirca.

MARCOS 8:25

Jesús cutin chai runapac ñahuipi maquita churacpica, tucuita alli ricurcallami.

SAN LUCAS 13:12

Chai huarmita Jesús ricushpa cayashpaca: —Huahua, ungüimanta cacharichishcami cangui— nirca.

SAN LUCAS 18:43

Jesús chashna nincami, chai runapac ñahuica ña ricurca. Chashna ña ricucpimi, Diosta “sumacmi cangui” nishpami, Jesusta catishpa rirca. Alliyashcata ricuccunapish, tucuimi Diosta “allimari cangui” nircacuna.

SAN LUCAS 4:40

Ña inti tigracucpimi, tucuilaya ungüicunata Jesuspacman apamurca. Jesusca tucui ungushcacunapac uma jahuapi maquita churashpami alliyachirca.

HECHOS 9:17

Ananías Saulo tiyacuc huasiman rishpa, Saulopac uma jahuapi maquita churashpaca: —Huauqui Saulo, can caiman shamucucpi, ricuric Apunchic Jesusmi, cambac ñahui cutin ricuchun, shinallatac Diospac Espíritu cambac shungupi junda cachun, cambacman cacharca— nirca.