SAN LUCAS 12:24 - Dios Rimashcata Quillcashcami

²⁴ Zhutacunata ricuichic. Paicunaca mana tarpunchu, shinallatac mana cosechanchu, mana huacaichinchu. Maipi huacaichinallatapish mana charinchu. Chashna cacpipish Diosca caranllami. ¡Cancunacarin, zhutacunatapish yalli valicmi canguichic!

Nuevo Testamento en Quichua Cañar 1996

²⁴ Zhutacunata ricushpallapish yuyarichic. Paicunaca mana tarpunchu, shinallatac granotapish mana tandachinchu, mana huacaichinchu. Maipi huacaichinallatapish mana charincunachu. Chashna cacpipish Taita Diosca paicunamanca caranllami. ¡Cancunacarin, zhutacunatapish yallimi canguichic!

SAN LUCAS 12:24 ပူးပေါင်းရင်းမြစ်များ

JOB 35:11

Ñucanchictaca cai pachapi tiyac animalcunata ricuchishpa ashtahuan alli yachacta, jahuata volac animalcunatapish ricuchishpa yalli yuyaita charictami ruhuarca” nicca, shucllapish mana tiyanchu.

JOB 38:41

¿Pitac cuervocuna yarcaihuan Diosta caparishpa, caita chaita micunata mashcashpa puricucpica caran?

SALMOS 147:9

Paimi animalcunamanpish micunata cun. Cuervocunapac huahuacuna micunata mañacpipish paimi caran.

SAN MATEO 10:31

Chaimanta gentecunata ama manchanguichicchu. Cancunacarin, achca zhutacunatapish yalli valicmari canguichic.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

MARCOS 6:26

Mandac Herodesca yallitami llaquirirca. Shina cashpapish, chaipi caccunapac ñaupapi ari nishcamantami “mana cushachu” ninataca, mana pudirca.

SAN LUCAS 12:18

Chashna yuyaricushpami: “Caitami ruhuasha: Cai grano huacaichina huasicunata pascashpami, ashtahuan jatunta shayachisha. Chaipimi granotapish, tucui charishcacunatapish huacaichisha.

SAN LUCAS 12:23

Micunapac randica, causaimi ashtahuan valin. Churanapac randica, cuerpomi ashtahuan valin.

SAN LUCAS 12:7

Chashnallatacmi Diosca cancunapac uma accha mashna cashcatapish yachan. Chaimanta ama manchaichicchu. ¡Cancunacarin, achca zhutacunatapish yalli valicmi canguichic!