SAN LUCAS 11:34 - Dios Rimashcata Quillcashcami

³⁴ Ñahuica cuerpopac luz shinami. Ñahui alli cacpi, tucui cuerpomi achiclla shina canga, ashtahuanpish ñahui mana alli cacpica, amsapimi causacungui.

Nuevo Testamento en Quichua Cañar 1996

³⁴ Cambac ñahuicunaca cuerpopac luz shinami. Ñahuicuna alli cacpi, tucui cuerpomi achiclla shina canga, ashtahuanpish cambac ñahui mana alli cacpica, amsapi shinami causacungui.

SAN LUCAS 11:34 ပူးပေါင်းရင်းမြစ်များ

GÉNESIS 19:11

Huasi pungupi cac gentecunataca huambracunamanta callarishpa, yuyaccunacamanmi mana ricucta ruhuarca. Chaimantami chai gentecunaca punguta mashcacushpalla shaicurcacuna.

SALMOS 119:18

Cambac sumaimana mandashcata ricungapac ñuca ñahuita pascaiyari.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

PROVERBIOS 28:22

Misa runaca utca chayucyanallatami munashpa causan. Ashtahuanpish huaccha tucunataca mana yachanchu.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 42:19

¿Pi serviccunata yalli ñahui mana ricucca? ¿Pitac ñuca cachashcacunata atishpa ringri mana uyaccunaca? ¿Pitac ñuca acllashcacuna shina, Mandac Dios ñucata serviccuna shina mana ricuccunaca?

ISAÍAS 44:18

Chai runacunaca mana yachanchu, mana entendinchu. Mana ricunchu, ñahuica huichcashcami. Shungupish tutayashca cashpami imata mana entendin.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

ISAÍAS 6:10

Chai quipaca gentecunapac shunguta sinchiyachingui. Ñahuihuanpish ama ricuchun, ringrihuanpish ama uyachun, paicunapac ringritapish, ñahuitapish huichcangui. Shungupipish yuyaita ama japichun, ñucapacmanpish ama cuti richun, ñuca paicunata ama alliyachichunmi chashnaca ruhuana cangui— nirca.

JEREMÍAS 5:21

Yuyai illac, mana entendic gentecuna caita uyaichic. Cancunaca ñahuita charishpapish mana ricunguichicchu. Ringrita charishpapish mana uyanguichicchu.

MARCOS 4:12

Paicuna ricushpapish, ama ricuchun, uyashpapish ama entendichunmi, chashnaca yachachicuni. Shinallatac Diosman ama cuti richun, paicunapac juchacunata ama perdonachunmi, chashna nini— nirca.

MARCOS 7:22

shuhuancuna, charicyanata munancuna, pitapish llaquichincuna, umancuna, mana pingancuna, envidiancuna, llullancuna, jatun tucuncuna, yuyai illac tucuncuna.

MARCOS 8:18

Ñahuita charishpapish, ¿manachu ricunguichic? Ringrita charishpapish, ¿manachu uyanguichic? ¿Manachu yuyaringuichic?

SAN LUCAS 11:35

Cuidaringui, pacta canpi cac luzca amsa canman.

HECHOS 13:11

Cunanca Mandac Dios llaquichicpimi, mana ricuc saquiringui. Tauca punzhacunacamanmi, inti achicyachishcatapish mana ricungui— nirca. Chashna nicpimi, brujopac ñahui amsayacpi, mana ricui pudishpa, maquimanta maijan aisachun mashcarca.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

EFESIOS 6:5

Cai pachapi amocunapacta ruhuaccuna, Cristota cazuc shinallatac, shungumanta imata ruhuana cacpipish manchaihuan, amopacta ruhuaichic.

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.