SAN LUCAS 1:42 - Dios Rimashcata Quillcashcami

⁴² Chaimantami sinchita caparishpaca: —Canca tucui huarmicunamanta yalli, Dios alli nishcami cangui. Cambac huicsapi cac huahuapish, alli nishcami.

Nuevo Testamento en Quichua Cañar 1996

⁴² Chaimantami sinchihuan cashna nirca: —Canca tucui huarmicunamanta yalli, Taita Dios alli nishcami cangui. Cambac huicsapi cac huahuapish, alli nishcami.

SAN LUCAS 1:42 ပူးပေါင်းရင်းမြစ်များ

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

SALMOS 21:6

Huiñaipacmi bendicionta curcangui. Canca paihuan cashpami yallita cushichingui.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

SAN LUCAS 1:28

María maipi cashcaman ángel yaicushpaca: —María, Dios canhuan cashcamanta cushicui. Canca tucui huarmicunamanta yalli, alli nishcami cangui— nirca.

SAN LUCAS 1:41

María rimashca uyarincami Elisabetpac huicsapica huahua cuyurirca. Diospac Espiritupish Elisabetpacman shamurcami.

SAN LUCAS 1:43

¿Ima shinatac ñucata Mandacpac mamaca ricuc shamunguiyari?

SAN LUCAS 1:48

Diosca huaccha servic huarmitami acllashca. Cunanmanta pachami huahua huahuacuna ñucataca ‘allimari cangui’ nicunga.

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

JUECES 5:24

Ceneopuramanta Heberpac huarmi Jaelpish tucui huarmicunamanta yalli alli nishca cachun. Carpa huasipi causac huarmipish, tucui huarmicunamanta yalli alli nishca cachun.