SAN LUCAS 1:15 - Dios Rimashcata Quillcashcami

¹⁵ Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

Nuevo Testamento en Quichua Cañar 1996

¹⁵ Taita Diosca paitaca jatun ningami. Paica vinotapish, ima machachic yacucunatapish mana ubiangachu. Mamapac huicsamanta pachami, Diospac Espirituhuan canga.

SAN LUCAS 1:15 ပူးပေါင်းရင်းမြစ်များ

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 48:19

Chaimantami taitaca: —¡Huahua, ñucaca yachanillatacmi! Manasespish tucuita yalli jatun llactami tucunga. Shina cacpipish, paipac quipa huauquimi punta huauquita atishpa, ashtahuan jatun nishca canga. Paipac huahuacunaca achcata mirarishpami, jatun llactacuna tucunga— nishpami, mana chashna churasha nirca.

1 CRÓNICAS 17:8

Ñucaca can maita ricpipish, canhuanmi carcani. Canta piñaccuna llaquichisha nicpipish, tucuitami cambac ñaupamanta chingachircani. Shina ruhuashpami, cai pacha mandaccunata yalli ashtahuan jatun mandacta ruhuasha.

1 CRÓNICAS 29:12

Canmi ima charinatapish, cushicuitapish cungui. Canmi tucuita mandangui. Can mandanapish, tucui imata ruhuanapish cambac maquipimi. Jatun yachanapish, sinchiyachinapish cambac maquillapitacmi.

SALMOS 22:9

Ashtahuanpish canmi mamapac huicsamanta llucchircangui. Canmi ñucataca chuchucucmanta pacha canpi shunguta churanata yachachircangui.

JEREMÍAS 1:5

«Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

JEREMÍAS 35:6

Shina nicpimi paicunaca: «Ñucanchicca vinotaca mana ubiashunchu. Chaica, Ricabpac churi ñucanchic ñaupa taita Jonadab ñucanchicta mandashpaca: “Cancunapish, cancunapac huahua huahuacunapish jaicapi ama vinota ubianguichicchu.

LEVÍTICO 10:9

«Ñucahuan tupana huasiman yaicungapacca canpish, cambac churicunapish vinota, tragota ama ubianguichicchu. Pacta huañunguichicman. Cai mandashcataca cambac huahua huahuacunapish huiñaitami pactachina can.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

SAN LUCAS 1:14

Yallitami cushicunguimi. Achcacunami pai huacharishcamantaca cushicunga.

SAN LUCAS 7:28

Cai pachapi huacharishcapurapica, Bautizac Juanmanta yalli alli huillacca manatac tiyashcachu. Chashna cacpipish, Dios mandacucpica, yangalla runami Juanta atishpa alli nishcaca. Chaica chashnatacmi can— nirca.

SAN LUCAS 7:33

Vinotapish mana ubiac, micunatapish mana micuc Bautizac Juan shamucpica, cancunaca: “Supaihuanmi can” ninguichicmi.

SAN JUAN 5:35

Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.

HECHOS 2:4

Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

GÁLATAS 1:15

Shina cacpipish ñuca manarac huacharicpimi, Diosca ñucata mai cuyashpa, chicanyachishpa acllarca. Chashna acllashpaca, pai munashca pachami

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

JOSUÉ 4:14

Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.