SAN LUCAS 1:14 - Dios Rimashcata Quillcashcami

¹⁴ Yallitami cushicunguimi. Achcacunami pai huacharishcamantaca cushicunga.

Nuevo Testamento en Quichua Cañar 1996

¹⁴ Pai huacharicpica, mai cushicunguimi. Shinallatac shuccunapish achcacunami cushicungacuna.

SAN LUCAS 1:14 ပူးပေါင်းရင်းမြစ်များ

GÉNESIS 21:6

Chaimantami Saraca: «Diosmari cushichishpa, ñucataca asichirca. Maijanpish caita uyashpaca, ñucahuan asingacunami.

PROVERBIOS 15:20

Yachaisapa churica paipac taitata cushichinmi. Ashtahuanpish yuyai illac runaca paipac mamatami yangapi churan.

PROVERBIOS 23:15

Ñuca huahualla, cambac shungu yuyaisapa cacpica, ñuca shungupish cushicungami.

PROVERBIOS 23:24

Cashcata ruhuac runapac taitaca yallitami cushicun. Yuyaisapa churipac taitaca chai churihuanmi cushicunga.

JEREMÍAS 20:15

¡Ñuca taitata cushichishpa: «Canmanca cari huahuatami sajuarishca» nic runapish mana alli nishca cachun!

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

SAN LUCAS 1:58

Chaita uyashpaca, Dios cuyac cashcata yachashpami, vecinocunapish, paipac familiacunapish Elisabethuan cushicungapac rirca.