24 Mandac Dios Moisesta rimashpaca:
—Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.
Chai quipami maltón ovejataca juchamanta cushcata, tucui rupachinata rupachinallapitac huañuchinga. Pandarishcamanta Diosman cushcapish, juchamanta cushcapish Diospaclla chicanyachishcami can. Chaimantami animal aichataca cura japina can.
Cura cushca ofrendataca tucuimi rupachina. Chaitaca mana micunachu» nirca.
«Aaronmanpish, paipac churicunamanpish juchata pichachun ima shina ofrendata cuna cashcata huillai. Tucuita rupachina altarllapitacmi juchata pichachun cushca ofrendatapish Mandac Dios ñucapac ñaupapi huañuchina can. Chaica Diospaclla chicanyachishcami.
