LEVÍTICO 25:54 - Dios Rimashcata Quillcashcami

⁵⁴ Chai huatacunapi cullquita mana cutichi pudishpa, mana llucshishpaca cacharirina huatapimi paipac huahuacunandi llucchina can.

LEVÍTICO 25:54 ပူးပေါင်းရင်းမြစ်များ

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 49:9

Shinallatac prezucunataca: “¡Llucshichic!” nichun, purapi causaccunataca: “¡Ricuichic!” nichunmi, chashnaca ruhuasha. Ñan cuchucunapimi michinga. Chaquishca urcucunapipish quihuata charingami.

ISAÍAS 52:3

Mandac Diosca: «Cancunaca mana cullquimantachu catushca causarcanguichic. Chaimantami ñucapish ima cullquita mana cushpa, cancunataca quishpichigrini» ninmi.

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

LEVÍTICO 25:13

Huatashca shina causacushcamanta llucchina huatapica tucui cancunami quiquin allpaman cutina canguichic.

LEVÍTICO 25:55

Israelcunaca ñucata serviccunami. Paicunataca ñucallatac servichunmi Egipto llactamanta llucchimurcani. Ñucaca cancunata Mandac Diosmi cani.