LEVÍTICO 25:43 - Dios Rimashcata Quillcashcami

⁴³ Chaimanta paicunataca ama sinchita mandashpa charinguichu, ashtahuanpish cambac Dios ñucata manchangui.

LEVÍTICO 25:43 ပူးပေါင်းရင်းမြစ်များ

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

2 CRÓNICAS 28:10

Cunanca, Judá llactapi, Jerusalén pueblopi causaccunataca servic caricuna, servic huarmicuna cachunmi apamushcanguichic. Ashtahuanpish chashna ruhuashpaca, ¿manachu cancunata Mandac Diosta piñachishpa, juchata ruhuashcanguichic?

JOB 31:13

Ñucata servic carihuan, huarmihuan piñarishpa, paicuna japina cashcata mana cushca cashpaca.

JOB 31:14

Dios ricungapac shamucpica, ¿imatashi ruhuaiman carcani? Pai imata tapucpica, ¿imatashi cutichiman carcani?

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

ÉXODO 1:21

Chai comadronacunaca Diosta manchacmi carca. Chaimantami paicunamanpish Diosca aillucunata curca.

ÉXODO 2:23

Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

ÉXODO 3:9

Riquichic, Egipto runacuna israelcunata llaquichicuctapish ricunimi. Israelcuna huacashpa mañashcatapish uyarcanimi.

ÉXODO 5:14

Chaipac jahuapica, Faraonpac trabajachiccunaca, Israel mayoralcunataca: —¿Ima nishpatac cainapish, cunanpish utcapi mashna ladrillota ruhuac cashca shinallatac mana ruhuanguichic?— nishpami macarca.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

EZEQUIEL 34:4

Irquiyashca ovejacunatapish mana sinchiyachinguichicchu, ungushcacunatapish mana jambinguichicchu. Chaqui paquicunatapish mana huatachinguichicchu, caita chaita rishca ovejacunatapish mana corralman tandachimunguichicchu. Chingarishca ovejacunatapish mana mashcanguichicchu. Ashtahuanpish yallita llaquichishpami mandashpa charinguichic.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

LEVÍTICO 25:42

Paicunaca ñucata serviccunami. Ñucaca Egipto llactamantami paicunataca llucchimurcani. Chaimantami huatashca shina causachunca, mana catushca cana can.

LEVÍTICO 25:44

Cancuna servic carita, servic huarmita charishun nishpaca, cuchulla llactacunapi randinguichic.

LEVÍTICO 25:46

Cancuna huañushpaca paicunataca herencia shinata huahuacunaman saqui pudinguichicmi. Chashnami paicunaca huahuacunata huiñaita servishpa causanga. Shina cacpipish, israelcunapuramanta cancunata servicpica, ama sinchita mandashpa llaquichinguichicchu.

LEVÍTICO 25:53

Paitaca ama sinchita mandashpa charinguichu, ashtahuanpish cullquimanta trabajac runa shinata charingui.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Apunchic Jesucristo causacushcataca yachanami canguichic. Paica pitapish “caica allimi, chaica mana allichu” mana ninchu.

DEUTERONOMIO 25:18

Paicunaca Diosta mana manchashpami, cancuna shaicushca cacpica, huashata shamushpa llaquichirca. Ashtahuancarin shaicushca quipayashcacunatami chashna llaquichirca.

COLOSENSES 4:1

Amocuna, cancunapish shuc Amota jahua pachapi charishcamanta, cancunapac serviccunamanca cashcata, allita ruhuanguichic.