LEVÍTICO 25:36 - Dios Rimashcata Quillcashcami

³⁶ Imata mañachishpaca, interestapish, interesmanta yallitapish ama cobranguichu. Chaipac randica, cancunapac Dios ñucata manchangui. Shinallatac chai runatapish canhuan causachun saquingui.

LEVÍTICO 25:36 ပူးပေါင်းရင်းမြစ်များ

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:3

Cutin maijancunaca: «Ñucanchic micuna mana tiyacpimi, ñucanchic allpacunata, uvas chagracunata, huasicunata prendapi churashcanchic» nircacuna.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

ÉXODO 22:24

Ñucaca nina japiric shina piñarishpami, espadahuan huañuchisha. Cancunapac huarmicunaca viuda, cutin huahuacunaca taita mama illacmi saquiringa.

ÉXODO 22:25

Maijan ñuca acllashcapura runaman, cancunahuan causac huaccha runaman cullquita mañachishpaca, ama cullquita mañachiccuna shina interesta cobranguichu.

PROVERBIOS 28:8

Cullquita mañachishpa interesta yallita japic runaca huaccha runata llaquic runamanmi huacaichicun.

ISAÍAS 24:2

Chai llaquica llactapi causactapish, curatapish, amotapish, servictapish, amatapish, servic huarmitapish, randictapish, catuctapish, cullquita mañachictapish, cullquita mañactapish, imata mañachictapishmi llaquichinga.

JEREMÍAS 15:10

Jeremiasca Ñucaca: «¡Aij, ñuca mamitalla! ¡Tucui llactapi causaccunahuan piñanacushpa, rimanacuchunmi ñucataca sajuarishcangui! Piman cullquita mana mañarcanichu, shinallatac mana mañachircanichu. Shina cacpipish, ñucataca mana alli nishpami rimacun.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 18:17

huacchata llaquishpa, cullquita mañachishpapish, mana interesta japishpa, ñuca quillcachishcacunata huacaichishpa, ñuca mandashcacuna nishca shina causashpaca paipac taitapac juchacunamantaca mana huañungachu, ashtahuanpish causangami.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

EZEQUIEL 22:12

Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

LEVÍTICO 25:37

Cullquita mañachishpapish ama interesta cobranguichu. Ima micunata catushpapish ama yallipi catunguichu.