LEVÍTICO 25:29 - Dios Rimashcata Quillcashcami

²⁹ Maijanpish muyundita pircashca llactapi tiyac huasita catushpaca, catushca manarac huata tucucpimi, chai huasita randicman cullquita cutichishpa, huasita saquichina can.

LEVÍTICO 25:29 ပူးပေါင်းရင်းမြစ်များ

GÉNESIS 24:55

Shina nicpi, Rebecapac turipish, mamapish rimashpaca: —Rebecaca cai chunga punzhacunallatac ñucanchic-huan saquirichun, chai quipaca canhuan ringallami— nirca.

LEVÍTICO 25:28

Ashtahuanpish allpata cutichingapac mashna valishcata cungapac mana charicpica, chai allpaca huatashca shinamanta cacharirina huatacamanmi chai randicpacllatac canga. Chai huata pactacpimi, chai allpaca paillamantac cutinga.

LEVÍTICO 25:30

Ashtahuanpish huatacaman huasita catuc runa randic runaman cullquita mana cutichi pudicpica, chai huasica randicpac, shinallatac paipac huahua huahuacunapacmi huiñaipac saquiringa. Cacharirina huata pactacpipish, chai huasitaca mana cutinachu can.

LEVÍTICO 27:14

Maijan cashpapish Mandac Dios ñucaman shuc huasita cucpica, chai huasica ñucapaclla chicanyachishcami saquiringa. Chai huasitaca curami alli cacta, mana alli cacta ricushpa, mashna valishcata huillanga. Mashna valishcata huillacpica, chai huillashca shinallatacmi saquiringa.