LEVÍTICO 25:24 - Dios Rimashcata Quillcashcami

²⁴ Chaimanta maijanpac allpata randishpaca chai catucllatac randichunmi saquina canguichic.

LEVÍTICO 25:24 ပူးပေါင်းရင်းမြစ်များ

JEREMÍAS 32:7

“Cambac tio Salumpac churi Hanameel cambacman shamushpaca: ‘Anatotpi cac ñuca allpata randi. Chai allpataca canmi randi pudingui’ ninga” nirca.

EZEQUIEL 7:13

Catucca unaita causashpapish pai catushcataca manatac cutin japi pudingachu. Millai runacunata llaquichinata yuyarishcata pactachishatacmi. Millaita ruhuashcamantaca huañungatacmi.

LEVÍTICO 25:23

Allpaca ñucapacmi. Chaimanta ama tucui causaipac catunguichicchu. Cancunaca shuctac llactamanta shamushpa pozac shinallami canguichic.

LEVÍTICO 25:25

Cancunapuramanta maijan huaccha cashcamanta allpata catucpica, paipac cuchulla familiami randicman cullquita cutichishpa, chai allpataca saquichina can.

LEVÍTICO 25:27

Chai allpata catushca huatamanta yupashpa, tarpuna mashna huatacuna sirishcata yupashpami cutichina can. Shina cutichishpami, cutinllatac chai allpataca saquichinga.

LEVÍTICO 25:31

Ashtahuanpish muyundita mana pircashca uchilla llacta huasita catushcaca allpata catushca shinallami. Chai huasitaca cullquita cutichishpa japinata pudinmi. Shinallatac cacharirina huatapipish chai huasitaca japinata pudinmi.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

EFESIOS 1:14

Cai shina ruhuashpami ñucanchictaca huatashca shina cashcamanta cacharichishpa, paipacllata ruhuashpa, pai cusha nishcata chasquiccuna cashcata ricuchin. ¡Chashna ruhuashcamantaca Diosta “allimari cangui” nishunchic!

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.