LEVÍTICO 25:23 - Dios Rimashcata Quillcashcami

²³ Allpaca ñucapacmi. Chaimanta ama tucui causaipac catunguichicchu. Cancunaca shuctac llactamanta shamushpa pozac shinallami canguichic.

LEVÍTICO 25:23 ပူးပေါင်းရင်းမြစ်များ

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

1 REYES 21:3

Shina nicpimi, Nabotca Acabtaca: —¡Ñuca taitacuna saquishca allpata canman cunataca Diospish ama munachun!— nirca.

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

2 CRÓNICAS 7:20

ñucami cancunaman cushca llactamanta llucchishpa cachasha. Shinallatac ñuca shutipi mañana ñucapaclla cachun chicanyachishca cai huasitapish ñuca ñaupamanta anchuchishami. Shina ruhuacpimi, tucui llactapi causaccuna parlanacushpa burlashpa asingacuna.

SALMOS 119:19

Cai pachapica shamushpallami causacuni. Ñuca ñaupamanta can mandashcacunata ama pacaichu.

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

SALMOS 39:13

Ama ashtahuan ñucata piñarishpa chapaichu. Ñucaca cushicuitami japisha. Causaitaca amarac quichuichu» nircani.

SALMOS 85:1

Mandac Dioslla, cambac llactapi causaccunahuanca yalli allimi carcangui. Jacobopac churicunatapish prezumanta llucchimurcanguimi.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 2:22

Chai huarmica shuc cari huahuatami charirca. Chai huahuataca: «Shucpac llactapi pozashpa causacllami cani» nishpami, Gersonta shutichirca.

ISAÍAS 8:8

Yallita mirashpami Judá llactata pasashpa chaipi causaccunataca cungacaman ucuyachinga. ¡Emanuel-lla, alasta pascac shina, shamushpami tucui cambac llactapi jundanga!

EZEQUIEL 48:14

Chai allpaca Mandac Diospaclla chicanyachishca, tucuimanta alli allpami. Chaimantami catunatapish, cambianatapish, shucman cunatapish mana pudinga.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

JOEL 2:18

Mandac Dios paipac llactapi causaccunata yuyarishpa llaquircami.

JOEL 3:2

tandachishpami, Josafat pambaman cachasha. Chaipimi ñuca acllashca israelcunata llaquichiccunataca ñucapish taripashpa llaquichisha. Paicunami ñuca acllashcacunataca shuctac llactacunaman caita chaita cachashpa, ñuca allpatapish chaupinacurca.

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

LEVÍTICO 25:24

Chaimanta maijanpac allpata randishpaca chai catucllatac randichunmi saquina canguichic.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.