LEVÍTICO 25:13 - Dios Rimashcata Quillcashcami

¹³ Huatashca shina causacushcamanta llucchina huatapica tucui cancunami quiquin allpaman cutina canguichic.

LEVÍTICO 25:13 ပူးပေါင်းရင်းမြစ်များ

ISAÍAS 61:2

Mandac Dios quishpichina huata chayamucushcatapish, ñucanchic Dios llaquichina punzha chayamucushcata huillachunpish, shinallatac llaquilla causaccunata cushichichunpishmi cacharca.

EZEQUIEL 7:13

Catucca unaita causashpapish pai catushcataca manatac cutin japi pudingachu. Millai runacunata llaquichinata yuyarishcata pactachishatacmi. Millaita ruhuashcamantaca huañungatacmi.

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

LEVÍTICO 25:12

Ashtahuanpish chai huataca huatashca shina causacushcamanta llucchina huata cashcamanta ñucapaclla chicanyachishcami canga. Chaimanta allpapi paillatac pucushca granollatami micuna canguichic.

LEVÍTICO 25:28

Ashtahuanpish allpata cutichingapac mashna valishcata cungapac mana charicpica, chai allpaca huatashca shinamanta cacharirina huatacamanmi chai randicpacllatac canga. Chai huata pactacpimi, chai allpaca paillamantac cutinga.

LEVÍTICO 25:54

Chai huatacunapi cullquita mana cutichi pudishpa, mana llucshishpaca cacharirina huatapimi paipac huahuacunandi llucchina can.

NÚMEROS 36:4

Israelcunapac allpata cutichina huata chayamucpica, chai huarmicuna japishca allpaca maijan ailluhuan chai huarmi cazarashca cacpipish, chai aillupacmi tucunga. Chashna cacpica, ñucanchic allpaca ashallayangami— nirca.