LEVÍTICO 23:38 - Dios Rimashcata Quillcashcami

³⁸ Samana punzhapi Mandac Dios ñucaman cushca jahuapish, cushami nishcamanta cushca jahuapish, quiquin munaimanta cushca jahuapishmi chashna cuna canguichic.

LEVÍTICO 23:38 ပူးပေါင်းရင်းမြစ်များ

2 CRÓNICAS 31:14

Inti llucshina lado pungupica Imna levitapac churi Coremi cuidacurca. Paica gentecuna tucui munaihuan Mandac Diosman cushca ofrendacunatapish, Mandac Diosman cushcata raquinacunatapish, Diospaclla chicanyachishcacunatapish cuidacmi carca.

SALMOS 56:13

Ñuca causaitaca huañuimantami quishpichircangui. Cambac ñaupapi purichunmi ñuca urmagricucpipish charirarcangui. Cambac ñaupapi achic punzhata ricushpa causachunmi chashna quishpichircangui.

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

EZEQUIEL 46:12

Ashtahuanpish mandacca pai munashcamanta mashnata charishca shina animalta cushpa rupachigricucpi, Mandac Dios ñucahuan alli tucungapac ofrendata cugricucpica, inti llucshina lado pungutaca pascangami. Chaita yaicushpaca, samana punzhapi ruhuac shinallatac, animalta tucui rupachina shinallatacmi alli tucungapac ofrendata cunga. Pai chaita ruhuashpa, llucshishca quipaca pungutami huichcanga.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

LEVÍTICO 23:37

Chaicunami Mandac Dios ñucapac fiesta punzhacunaca. Cai punzhacunapica Mandac Dios ñucaman cushpa rupachingapac, animalta ñucaman cushpa tucui rupachingapac, grano ofrendata cungapac, animalta huañuchishpa cungapac shinallatac vinota tallishpa cungapacmi ñucapaclla chicanyachishca tandanacuita ruhuana canguichic. Chaicunataca chai punzhallapitac ruhuanguichic.

LEVÍTICO 23:39

Chai canchis quillallapitac, chunga pichca punzhapi cancunapac allpapi pucushca granota ña tucui cosechashca quipaca Mandac Dios ñucamanmi canchis punzhata fiestata ruhuana canguichic. Chai fiesta callari punzhapish, tucuri pusac punzhapish samarinami canguichic.

NÚMEROS 29:39

Chashnami ñucapac fiesta punzhapica ruhuana canguichic. Chaicunataca ñucaman cushpa tucuita rupachishca jahuapish, grano ofrendata, tallina vinota cushca jahuapish, ñucahuan alli tucungapac cushami nishcamanta cushca jahuapish, quiquin munaimanta cushca jahuapishmi cuna canguichic» nirca.

DEUTERONOMIO 12:6

Chaimanmi tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish, quiquin munaimanta cuna ofrendatapish, punta huacharishca huagratapish, ovejatapish apana canguichic.