LEVÍTICO 23:36 - Dios Rimashcata Quillcashcami

³⁶ Canchis punzhatami Mandac Dios ñucaman cushpa rupachina canguichic. Pusacniqui punzhapica ñucapaclla tandanacuita ruhuashpami ñucaman cushpa rupachina canguichic. Chai punzhapica ima sinchi trabajota ama ruhuanguichicchu.

LEVÍTICO 23:36 ပူးပေါင်းရင်းမြစ်များ

NEHEMÍAS 8:18

Esdrasca Dios mandashcataca callari punzhamanta canchis punzhacamanmi punzhanta rezacurca. Chai jatun fiestata canchis punzhacaman ruhuashpaca pusac punzhapica ima shina ruhuachun mandashca shinallatacmi jatun tandanacuita ruhuarcacuna.

JOEL 1:14

Tandanacuchun, ayunachun cayaichicyari. Pushac yuyaccunatapish, cai llactapi tucui causaccunatapish, cancunata Mandac Diospac huasiman tandachishpa, Mandac Diosta caparishpa mañaichicyari.

JOEL 2:15

¡Sión urcupi cornetapi tocaichic! ¡Tandanacushpa ayunachun huillaichic!

LEVÍTICO 23:7

Chai fiesta callari punzhapica ñucapaclla chicanyachishca tandanacuimanmi cayana canguichic. Chai punzhapica ima trabajota ama ruhuanguichicchu.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

DEUTERONOMIO 16:8

Sucta punzhata levadura illac tandata micunguichic. Canchisniqui punzhaca Mandac Diospaclla chicanyachishca punzhami canga. Chai punzhapica ama trabajanguichicchu.