LEVÍTICO 22:32 - Dios Rimashcata Quillcashcami

³² Jucha illac Mandac Dios ñucapac shutitaca ama yangapi churanguichicchu. Israelcunapac chaupipica ñucaca jucha illac cashcatami ricuchina canguichic. Ñucami cancunataca jucha illacta ruhuac Mandac Dios cani.

LEVÍTICO 22:32 ပူးပေါင်းရင်းမြစ်များ

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

LEVÍTICO 20:8

Ñuca mandashcacunataca pactachinguichic. Ñucami jucha illacta ruhuashpa, chicanyachic Mandac Dios cani.

LEVÍTICO 21:15

Chashna cazaracpimi, llactapi causac cancunapac huahua huahuacunaca mana mapayanga. Ñucaca cancunata ñucapacllata ruhuashpa, chicanyachic Mandac Diosmi cani” ningui» nirca.

LEVÍTICO 21:8

Paicunaca ñucaman micunata cuccunami. Chaimanta paicunataca Mandac Dios ñucapaclla cashca, jucha illac cashcata yuyanguichic. Ñucaca jucha illacmi cani. Chaimanta paicunapish jucha illacmi cana can. Ñucami jucha illacta ruhuacpish cani.

LEVÍTICO 22:16

Ñucapaclla chicanyachishcata pipish micuchun saquishpaca, cancunami juchayuc tucunguichic. Ñucami cancunata jucha illacta ruhuac Mandac Dios cani” ningui» nirca.

LEVÍTICO 22:2

«Aaronta, paipac churicunataca: “Israelcuna ñucapaclla chicanyachishcataca ama mapayachinguichicchu. Ñucapaclla chicanyachishcata mapayachishpaca ñuca shutitami yangapi churanguichic. Ñucaca Mandac Diosmi cani” ningui.

LEVÍTICO 22:31

Ñuca mandashcacunataca tucuita pactachinguichic. Ñucaca Mandac Diosmi cani.

LEVÍTICO 22:33

Ñucami cancunapac Dios cangapac Egipto llactamanta llucchircani. Ñucaca Mandac Diosmi cani» nirca.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

SAN LUCAS 11:2

Chashna nicpimi Jesusca: —Cancuna Diosta mañashpaca: “Jahua pacha ñucanchic Taitalla, cambac sumaimana shutitaca tucuilla alli nishca cachun. Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish ruhuarichun.

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.