LEVÍTICO 16:27 - Dios Rimashcata Quillcashcami

²⁷ Juchata pichachun ñucaman cushca becitapish, chivotapish ñucahuan tupana huasimanta canzhaman apashpa, carandi, huanundi rupachinga. Chai yahuarca ñucapaclla ucupi juchata pichachun cushcami carca.

LEVÍTICO 16:27 ပူးပေါင်းရင်းမြစ်များ

LEVÍTICO 4:21

Chai quipaca punta becita rupachishca shinallatacmi carpa huasimanta canzhaman llucchishpa rupachinga. Chaica tandanacushca israelcunapac juchata pichachun cushca ofrendami canga.

LEVÍTICO 6:11

Chai quipaca churanata llucchishpa, shuctac churanata churarishpami, uchupataca carpa huasimanta caruman apashpa, chuyanlla pambapi shitanga.

LEVÍTICO 6:23

Cura cushca ofrendataca tucuimi rupachina. Chaitaca mana micunachu» nirca.

LEVÍTICO 6:30

Juchamanta Dios-huan tupana huasi ucupi tiyac altarman apashca yahuartaca mana micunachu. Chaitaca tucuimi rupachina can.

LEVÍTICO 8:17

Mandac Dios nishca shinallatacmi beci caratapish, aichatapish, huanutapish carpa huasimanta canzhaman apashpa rupachirca.