LEVÍTICO 14:31 - Dios Rimashcata Quillcashcami

³¹ Chai ishcai animalcunataca shuctaca juchata pichachun, shuctaca tucui rupachingapac apamuna can. Caicunataca harina chaputa cushca jahuapimi cunga. Shina cucpimi, Mandac Diosca paipac juchacunata perdonanga» nirca.

LEVÍTICO 14:31 ပူးပေါင်းရင်းမြစ်များ

LEVÍTICO 14:18

Paipac maquipi puchushca aceitetaca chuyayacpac uma jahuapimi cahuinga. Cura chashna ruhuacpimi, Mandac Diosca chai runapac juchata perdonanga.

LEVÍTICO 14:30

Chai quipaca curallatacmi urpita cashpa, huahua palomata cashpa imatapish cui pudishcallata apamushcata Diosman cunga.

LEVÍTICO 14:32

Caicunami lepra ungüihuan cashpa, Diosman mana cui pudiccunaman yachachishca can.

LEVÍTICO 15:15

Curami shuctaca juchamanta cushpa, shuctaca tucui rupachinga. Chashnami yurac yacu cachariricuc runataca Mandac Diospac ñaupapi curaca chuyanllata ruhuanga.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.