LAMENTACIONES 5:9 - Dios Rimashcata Quillcashcami

⁹ Ñucanchic micunataca shitashca pambapi huañuchiccuna chapacucpi, huañunalla shinami apamunchic.

LAMENTACIONES 5:9 ပူးပေါင်းရင်းမြစ်များ

2 SAMUEL 23:17

«Cai runacuna huañunatapish mana manchashpa apamushca yacuca paicunapac yahuar shinami. ¡Mandac Dioslla, cai yacuta ubianataca jarcayari!» nirca. Chashna nishpami, mana ubiasha nirca. Chai yacutaca chai quimsa sinchi runacunami apamurca.

JEREMÍAS 41:18

Caldeocunata manchashcamantami chaipi causarca. Netaniaspac churi Ismael Ahicampac churi Gedaliasta huañuchishcamantami paicunaca mancharca. Gedaliastaca Babilonia llactata jatun mandacmi chai llactata mandachun churashca carca.

JEREMÍAS 42:14

Chaipac randica Egiptomanmi rishun. Chaipica jatun macanacuitapish mana ricushunchu, macanacuipi tocana trompetatapish mana uyashunchu. Yarcaipish mana tiyangachu. Chaipica allita causashun” nishpaca,

JEREMÍAS 42:16

chai llactapipish cancuna manchana macanacuipimi huañunguichic. Yarcaita manchacushpapish, Egipto llactapica yarcaihuanmi huañunguichic.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.