LAMENTACIONES 4:8 - Dios Rimashcata Quillcashcami

⁸ Cunanca cullintapish yalli yanami tucushca. Ñancunapi tupacpipish, pi mana ricsinchu. Carapish tullupi tucui llutarishpami chaquishca caspi shinami saquirishca.

LAMENTACIONES 4:8 ပူးပေါင်းရင်းမြစ်များ

JOB 19:20

Ñuca aicha carapish tullupimi llutarirca. Quiru siquipi tiyac aichallami saquirishca.

JOB 2:12

Chai runacunaca carumanta ricushpaca mana ricsircacunachu. Chaimantami yallita caparishpa huacarcacuna. Paicunapac jahualla churanatapish lliquishpami, quimsata paicunapac umapi allpata shitarircacuna.

JOB 30:30

Ñuca aicha caraca yanayashpami urman. Ñuca tullucunapish rupacunmi.

JOB 33:21

Paipac aicha tucurishpa caticpimi, jaicapi mana ricurishca tullucunapish ricuricun.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 119:83

Cushnipi huarcushca cara shina cashpapish, quillcashpa mandashcataca mana cungarircanichu.

SALMOS 32:4

Tutapish, punzhapish cambac maquica llaquichishpami catirca. Verdinlla quihua shina cashpapish, usyaipi chaquishca quihua shinami tucurca.

SALMOS 38:3

Can nina japiric shina piñarishcamantami ñuca cuerpoca tucui ungushca can. Ñuca juchamantami ñuca tullucunapish ungushca can.

ISAÍAS 52:14

Paita ricushpaca taucacunami ñahui shuclaya tucushpa, mana runapac ñahuilaya cacpi mancharirca.

LAMENTACIONES 5:10

Ñucanchic cuerpoca yallita yarcaimanta rupashpami hornopi rupashca shina yanayarca.

JOEL 2:6

Paicunapac ñaupapica tucuimi chucchushpa, llaquilla ñahui tucunga.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

SAN LUCAS 10:11

“¡Ñucanchic chaquipi catirishca allpatapish, cancuna mana chasquisha nishcata ricuchingapacmi, caillapitac chaspishpa rinchic! Ashtahuanpish Diosca ñami cancunata mandagrin. Chaitaca allita yuyarinami canguichic” ninguichic.