LAMENTACIONES 4:4 - Dios Rimashcata Quillcashcami

⁴ Yallita yacunayaihuanmi chuchucuc huahuapac calluca palancarapi llutarirca. Huahuacuna tandata mañacucpica, pi mana cuc tiyanchu.

LAMENTACIONES 4:4 ပူးပေါင်းရင်းမြစ်များ

2 REYES 18:27

Shina nicpipish, mandac Rabsacesca: —Ñucata mandacca ¿canman, canta mandacllamanchu cai shimicunataca huillachun cacharca? ¿Manachu cai pirca jahuapi shayacuc gentecunamanpish huillachun cacharca? Paicunapish ¿Manachu cancuna shinallatac paicuna mapayachishcata micungapac paicuna miyashcata ubiangapac shuyacuncuna?— nirca.

2 REYES 25:3

Chai huata callari chuscu quilla iscun punzha tucucpimi, Jerusalenpi causaccunaca imata mana micui pudishpa yallita yarcaihuan carca.

SALMOS 137:6

Jerusalenlla, canta cungarishpa, canmanta tucuimanta yalli mana cushicucpica, ñuca callu shimipi llutarichun.

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

LAMENTACIONES 1:11

Tucui gentecunami huacashpa micunata mashcashpa purincuna. Yarcaihuan mana huañungapacmi paicunapac sumac charishcacunata micunahuan cambiarca. Chaimantami: “¡Mandac Dioslla, ñucanchicta mana ricunayachishpa, llaquichiccunata ricuiyari!” nicun.

SAN LUCAS 10:11

“¡Ñucanchic chaquipi catirishca allpatapish, cancuna mana chasquisha nishcata ricuchingapacmi, caillapitac chaspishpa rinchic! Ashtahuanpish Diosca ñami cancunata mandagrin. Chaitaca allita yuyarinami canguichic” ninguichic.

DEUTERONOMIO 28:48

Chaimantami Mandac Dios cancunata piñac gentecunata cachacpi, paicunata servinguichic. Chashnami yarcaihuan yacunayaihuan cashpapish, churana illac cashpapish, tucuilaya illac cashpapish paicunata servinguichic. Paicunaca fierro yugota apachic shinami, tucuchingacaman llaquichinga.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.