LAMENTACIONES 4:2 - Dios Rimashcata Quillcashcami

² Sionpi causac runacunaca curitapish yalli sumacmi carca. Shina cashpapish, ¡cunanca allpa mangata ruhuacpac callana shinami tucushca!

LAMENTACIONES 4:2 ပူးပေါင်းရင်းမြစ်များ

ISAÍAS 30:14

Cancunaca allpa plato paquiric shinami ñuturinguichic. Chashna paquirishpaca nina bradasta llucchingapacllapish, mana cashpaca yacuta jundumanta llucchingapacllapish mana puchungachu» ninmi.

ISAÍAS 51:18

Cambac tucui sajuarishca churicunamantaca canta pushacca pi mana tiyanchu. Can tucui huiñachishca churicunamantaca maquimanta aisacca pi mana tiyanchu.

JEREMÍAS 19:1

Mandac Diosca: «Allpamanta puñuta ruhuac runapacman rishpa puñuta randishpa, Jerusalenpi causac pushac yuyaccunatapish, curacunata pushac yuyaccunatapish pushai.

JEREMÍAS 19:11

Shinallatac paicunataca: “Tucuita Mandac Diosca: Caipi causaccunatapish, cai llactatapish ñutuchigrinimi. Puñuta maijan paquicpi, cutin mana allichipactami saquigrini. Huañushcacunatapish maipi enterrana mana tiyacpimi, chai Tofet pamballapitac enterranga.

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

LAMENTACIONES 2:21

Huahuacunapish, yuyaccunapish ñancunapimi huañucun. Solteracunapish, mosocunapish espadahuan chugrichishcami huañurca. Can piñarishca punzhapica mana llaquishpami huañuchircangui.

LAMENTACIONES 5:12

Mandaccunataca maquipi huatashpami huarcurca. Yuyaccunatapish mana cazurcachu.

OSEAS 8:8

¡Israel llactaca tucuchishcami canga! Ñallami shuctac llactacunapac chaupipica paya manga shina tucunga.

ZACARÍAS 9:13

Judá llactapi causaccunataca ñuca arco shina cachunmi allichisha. Efraín aillutaca flecha shinatami ruhuasha. Sionpi causaccunataca paicunata piña runacunapac espada shinatami ruhuasha. Cancunapac churicunamanca Grecia llactapi causaccunata llaquichichunmi macana yuyaita cusha.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

2 TIMOTEO 2:20

Shuc jatun huasi ucupica mana curimanta, cullquimanta ruhuashcacunallachu tiyan, ashtahuanpish caspimanta, turumanta ruhuashca imacunapish tiyanmi. Chaicunamanta maijancunaca allipi servingapac, cutin maijancunaca yangallapi servingapacmi can.