LAMENTACIONES 4:18 - Dios Rimashcata Quillcashcami

¹⁸ Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

LAMENTACIONES 4:18 ပူးပေါင်းရင်းမြစ်များ

JOB 10:16

Ñuca umata alzacpica, leonta shinami japingui. Chashna japishpaca ñucapimi, jatun mancharinacunata ruhuangui.

SALMOS 140:11

Imatapish rimaric runaca cai pachapica mana unaita causangachu. Llaquichic runataca millaillatacmi tangac shina apashpa tucuchinga.

JEREMÍAS 1:12

Shina nicpimi, Mandac Diosca: «Allitami ricungui. Ñuca ima nishcataca utcami pactachigrini» nirca.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

JEREMÍAS 37:13

Jeremías Benjamín pungu nishcaman chayacpica, soldadocunata mandac Iriasmi cuidacurca. Paica Selemiaspac churi Hananiaspac nietomi carca. Paimi Dios ima nishcata huillac Jeremiastaca: «¡Canca, caldeocunapacmanmi ricungui!» nishpa prezurca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 51:33

Israelcunapac tucuita Mandac Diosca: «Sumaimana Babilonia llactaca trigota trillana era shinami. Asha punzha quipaca ñami cosechana punzha chayamugrin» ninmi.

LAMENTACIONES 3:52

Ñucata piñaccunaca manapish juchayuc cacpimi, zhutata shina japinata munarca.

EZEQUIEL 12:27

«Huañunalla runa, israelcunaca: “Cai runa muscuipi shina ricushcapish, ima tucunata huillashcapish unai huatacunapimi pactanga” nincunami.

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

1 SAMUEL 24:14

Israelcunata jatun mandaclla, ¿pitatac llaquichingapac shamurcangui? ¿Pitatac caticungui? ¿Huañushca allcutachu caticungui? ¿Piquitachu caticungui?