LAMENTACIONES 4:16 - Dios Rimashcata Quillcashcami

¹⁶ Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

LAMENTACIONES 4:16 ပူးပေါင်းရင်းမြစ်များ

GÉNESIS 49:7

Cancuna piñarishcamantaca mana alli nishcami canguichic. Cancunaca Jacobopac familiamanta chicanyachishcami canguichic. Israelpuramantapish caita chaita rishpami causanguichic.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

SALMOS 106:27

Shinallatac pai acllashcacunapac huahua huahuacunata caita chaita shuctac llactaman cachashpa pingaichingapacmi chashnaca ruhuarca.

SALMOS 106:44

Shina cacpipish, Diosca paicuna yallita llaquipi causacushcata ricurcami. Paicuna caparishpa mañashcatapish uyarcami.

ISAÍAS 24:2

Chai llaquica llactapi causactapish, curatapish, amotapish, servictapish, amatapish, servic huarmitapish, randictapish, catuctapish, cullquita mañachictapish, cullquita mañactapish, imata mañachictapishmi llaquichinga.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

JEREMÍAS 15:4

Paicunataca Ezequiaspac churi, Judá llactata jatun mandac Manasés Jerusalenpi mana allita ruhuashcamantami yallita llaquichisha. Chaita, shuctac llactacunata mandaccuna ricushpaca mancharingami” nini.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 52:24

Cuidac soldadocunata mandacca curacunata mandac Seraías curatapish, paipac quipa Sofonías curatapish, Diospac huasi pungupi cuidac quimsa soldadocunatapish quimsatatacmi prezurca.

LAMENTACIONES 2:20

Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

LAMENTACIONES 5:12

Mandaccunataca maquipi huatashpami huarcurca. Yuyaccunatapish mana cazurcachu.

EZEQUIEL 5:10

Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 32:26

Ñucaca tucui israelcunataca shic-huashpa cachashami. Ñucaca ‘paicunataca pipish cai pachapica ama yuyaringachun’ yuyarcanimi.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.