LAMENTACIONES 4:13 - Dios Rimashcata Quillcashcami

¹³ Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

LAMENTACIONES 4:13 ပူးပေါင်းရင်းမြစ်များ

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 6:13

Paicunapurapica uchilla huambracunapish, yuyaccunapish chayucyanallatami munan. Huillac runacunapish, curacunapish llullashpami umaccuna.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 11:6

Cai llactapica yallitami cancunaca huañuchishcanguichic, ñancunapish huañushca cuerpocuna jundami.

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

SAN MATEO 23:31

Chashna nishpaca, cancunallatacmi Dios ima nishcata huillaccunata huañuchiccunapac huahuacuna cashcataca ricuchicunguichic.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.