LAMENTACIONES 3:39 - Dios Rimashcata Quillcashcami

³⁹ Juchamanta llaquichishca runaca, ¿imamantatac llaquirin?

LAMENTACIONES 3:39 ပူးပေါင်းရင်းမြစ်များ

2 REYES 3:13

Chaipimi Eliseoca Israel llactata jatun mandactaca: —¿Ñucaca canhuanca imatatac ricuna charini? ¡Cambac taita mamapac huillaccunapacman rilla!— nirca. Shina nicpipish, Israel llactata jatun mandacca: —Mana rishachu. Mandac Diosmi cai quimsa jatun mandaccunataca moabitacunapac maquipi churangapac tandachishca— nirca.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

2 REYES 6:33

Eliseo paicunahuan chashna parlacucpimi, Eliseopacman huillac runa chayashpaca: “¡Mana llullashpami nini! Cai llaquicunaca Mandac Diosmantami shamun. Shina cashpaca, ¿imatatac Mandac Diosmantaca shuyashayari?” nirca.

ESDRAS 9:13

Ashtahuanpish ñucanchic mana allita ruhuashcamanta, ñucanchic yallita juchata ruhuashcamantaca cai tucui llaquicunami shamushca. Shina cacpipish, ñucanchic Dioslla, ñucanchic mana allita ruhuashca shina mana llaquichishpami, cai ashallatapish saquishcangui.

JOB 11:6

Paimi pi mana yachashca, yachaicunata yachachinga. Chaicunaca ima charishcacunata yalli valic cactami ricuchin. Chashnami can mana allita ruhuashcamantaca, Diosca ashallata llaquichicushcata yachangui.

JOB 15:13

¿Ima nishpatac Dios-huan piñaringui? ¿Imamantatac imatapish rimaringuilla?

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

PROVERBIOS 19:3

Yuyai illac runaca paipac causaipimi pandarin. Chai quipaca paipac shungupimi Mandac Diosta piñan.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

JEREMÍAS 10:19

Ñucaca: «¡Aij, yallita llaquihuanmi cani! Ñuca chugrica mana jambipacmi. Cai ungüi nanaitaca apanallatami cani. Cai llaquitaca apanallatami cani.

JEREMÍAS 30:15

Canllatac yalli mana allita ruhuashcamanta, yalli juchayuc cashcamantami llaquichircani. Cambac nanaica mana jambipacchu. ¿Ima nishpatac yallita caparicungui?

LAMENTACIONES 3:22

Mandac Dios llaquic cacpimi, mana tucurishcanchic. Paica ñucanchicta llaquicunllami.

LEVÍTICO 26:41

Paicunahuan piñarishpa paicunata piñaccunapac llactaman cachashcata yuyarishpa, llaquirishpa juchata shungumanta ñucaman huillacpica,

LEVÍTICO 26:43

Ashtahuanpish paicuna llucshishpa rishcamantaca allpaca shitashcami saquiringa. Chashna paicuna ricpimi, allpaca samarishpa cushicunga. Cutin paicunaca mana allita ruhuashpa, ñuca mandashcacunata, ñuca yachachishcacunata mana cazushcamantami llaquita apanga.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

NÚMEROS 11:11

Mandac Diostaca: —Canta servic ñucataca, ¿ima nishpatac cashna llaquichinguiyari? Cai israelcunahuanca llaquita apangapacca, ¿ima mana allitatac cambac ñaupapi ruhuashcaniyari?

NÚMEROS 16:41

Cayandi punzhaca tucui israelcuna Moisestapish, Aarontapish rimashpaca: «Cancunaca Mandac Dios acllashca gentecunatami huañuchircanguichic» nishpa rimarirca.

NÚMEROS 17:12

Chaimantami israelcunaca Moisestaca: «Riqui, ¡ñucanchicca huañugrinchicmi! ¡Chingarishcami canchic! ¡Tucui ñucanchicmi chingarishca canchic!

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.